జగన్ జైలుకెళ్తారని వైయస్కు ముందే తెలుసా?
వైయస్ బతికుండగా ఓసారి జగన్ జైలుకు వెళ్లే అవకాశాలు ఉన్నాయని ఓ జ్యోతిష్కుడు ఆయనకు చెప్పారట. అప్పటి నుండి వైయస్కు తనయుడి ఆందోళన పట్టుకుందట. ఈ విషయం తెలిసినప్పటి నుండి వైయస్ తన కొడుకు జగన్ జైలుకు వెళ్లకుండా ఉండాలని భగవంతుడిని ప్రార్థించేవారట. అయితే జగన్ జైలుకు వెళ్తారనే విషయం వైయస్కు ఓ జ్యోతిష్కుడు చెప్పడం, ఆయన ఆందోళన చెందడం అనే కథనంలో నిజమెంతో అబద్దమెంతో కానీ ఇప్పుడు మాత్రం యువనేత ఊచలు మాత్రం లెక్కిస్తుండటం గమనార్హం.
జగతి పబ్లికేషన్స్తో సహా పలు జగన్ కంపెనీలలోకి పెట్టుబడులు అక్రమంగా వచ్చాయనే ఆరోపణల నేపథ్యంలో సిబిఐ అతనిని అరెస్టు చేసింది. దీనిపై సిబిఐ దాదాపు సంవత్సరం నుండి విచారణ జరుపుతోంది. ఈ కేసులో జగన్తో సహా మాజీ మంత్రి మోపిదేవి వెంకటరమణ, బ్రహ్మానంద రెడ్డి, నిమ్మగడ్డ ప్రసాద్లను అరెస్టు చేశారు. మూడు ఛార్జీషీట్లను కోర్టుకు సిబిఐ సమర్పించింది. మరో పది ఛార్జీషీట్లు దాఖలు చేసేందుకు సిద్ధంగా ఉంది.
Click it and Unblock the Notifications
Sign in with Google