పంచదారకు బదులుగా బెల్లం తీసుకుంటున్నారా? ఇది తెలుసుకోండి
ప్రస్తుత రోజుల్లో చాలామంది పంచదార వాడకం తగ్గించేస్తున్నారు. మధుమేహానికి భయపడటంతోపాటు పంచదార తింటే అనేక అనారోగ్యాలు కలుగుతాయనే భయంతో సాధ్యమైనంతవరకు పంచదారకు, పంచదారతో చేసిన తీపి పదార్థాలకు దూరంగా ఉంటున్నారు. దీనికి ప్రత్యామ్నాయంగా బెల్లం వాడుతున్నారు. బెల్లం కూడా తెల్లగా ఉంటోంది. అలా కాకుండా రంగులేని బెల్లం వాడాలని నిపుణులు సూచిస్తున్నారు. పంచదారకన్నా బెల్లంలో పోషకాలు ఎక్కువగా ఉంటాయి. శరీరానికి అవసరమైన శక్తిని అందిస్తుంది.
బెల్లం తినడం వల్ల కలిగే ప్రయోజనాలు
రోగ నిరోధక శక్తి పెరుగుతుంది... బెల్లంలో యాంటీ ఆక్సిడెంట్లు ఎక్కువగా ఉండటం వల్ల రోగ నిరోధక శక్తి పెరుగుతుంది. జీర్ణక్రియ మెరుగుపడుతుంది... బెల్లం జీర్ణక్రియను మెరుగుపరిచి మలబద్ధకం నుంచి ఉపశమనం కలిగిస్తుంది. రక్తహీనతను నివారిస్తుంది... బెల్లంలో ఐరన్ పుష్కలంగా ఉండటం వల్ల రక్తహీనతను నివారిస్తుంది. ఎముకలు బలపడతాయి... బెల్లంలో కాల్షియం ఉండటం వల్ల ఎముకలు బలపడతాయి. శక్తిని ఇస్తుంది... బెల్లంలో ఐరన్, కాల్షియం, జింక్ వంటి ముఖ్యమైన ఖనిజాలు పుష్కలంగా ఉంటాయి. ఇవి శరీరానికి శక్తిని ఇస్తాయి. కాలేయాన్ని ఆరోగ్యంగా ఉంచుతుంది... బెల్లంలో డిటాక్సిఫైయింగ్ గుణాలు ఉన్నాయి. దీన్ని తినడం వల్ల కాలేయం కూడా ఆరోగ్యంగా ఉంటుంది.
పంచదార కంటే బెల్లం ఎందుకు మంచిది?
సహజ తీపి... బెల్లం సహజంగా తయారయ్యే తీపి పదార్థం. దీని తయారీలో ఎలాంటి రసాయనాలు వాడరు. పోషకాలు ఎక్కువ... బెల్లంలో పంచదార కంటే ఎక్కువ పోషకాలు ఉంటాయి. రక్తంలో చక్కెర స్థాయిలను నియంత్రిస్తుంది... బెల్లం గ్లైసెమిక్ ఇండెక్స్ తక్కువగా ఉంటుంది. అందువల్ల ఇది రక్తంలో చక్కెర స్థాయిలను నెమ్మదిగా పెంచుతుంది. జీర్ణక్రియకు మేలు చేస్తుంది... బెల్లం జీర్ణక్రియను మెరుగుపరుస్తుంది.
బెల్లం ఎలా ఉపయోగించాలి?
బెల్లంను చాలా రకాలుగా ఉపయోగించవచ్చు. దీన్ని నేరుగా తినవచ్చు లేదా వంటల్లో వాడవచ్చు. బెల్లం పాయసం, బెల్లం లడ్డూలు, బెల్లం పూరీలు వంటి అనేక రకాల వంటకాలు తయారు చేయవచ్చు. అయినా మితంగానే బెల్లం తినాలి. ఎక్కువగా తింటే అది బరువు పెరగడానికి కారణమవుతుంది. షుగర్ ఉన్నవారు బెల్లం తినే ముందు డాక్టర్ను సంప్రదించాలి. తెల్లగా ఉండే బెల్లం తయారీలో ఎక్కువగా రసాయనాలను వాడతారు. కాబట్టి ఆరోగ్యాన్ని దృష్టిలో పెట్టుకుని దీన్ని వాడుకోవాలనుకునే వారు నల్ల బెల్లాన్ని మాత్రమే ఉపయోగించుకోవాలి.
Click it and Unblock the Notifications
Sign in with Google