ఉల్లిపాయలు, పెరుగు కలిపి తింటున్నారా? జీర్ణవ్యవస్థపై ప్రభావం చూపుతుందా?
ఉల్లిపాయలు ,పెరుగు ఆరోగ్యానికి మంచి ప్రయోజనాలను అందించే ఆహార పదార్థాలు. ఉల్లిపాయలో ఫైబర్ అధికంగా ఉండటం వల్ల జీర్ణ వ్యవస్థ సక్రమంగా పనిచేస్తుంది. పెరుగులోని ప్రోబయోటిక్స్ జీర్ణక్రియను మెరుగుపరుస్తాయి. పెరుగులో విటమిన్ సి , డి ఉంటాయి. ఇవి రోగ నిరోధక శక్తిని పెంచుతాయి.పెరుగులో విటమిన్ సి , డి ఉంటాయి. ఇవి రోగ నిరోధక శక్తిని పెంచుతాయి. పెరుగులో కాల్షియం అధికంగా ఉండటం వల్ల ఎముకలు బలపడతాయి.అయితే వీటిని కలిపి తినడంపై ఆయుర్వేద , సాంప్రదాయ వైద్య పద్ధతుల్లో భిన్న అభిప్రాయాలు ఉన్నాయి. ఈ రెండు ఆహార పదార్థాల గుణాలు వేర్వేరు కావడం వల్ల, కొన్ని సందర్భాల్లో అవి సమస్యలకు దారితీయవచ్చని భావిస్తారు.
1. ఆయుర్వేదం ప్రకారం
అయుర్వేదం ప్రకారం, ఉల్లిపాయలు వేడి గుణాలు కలిగి ఉంటాయి. పెరుగు "శీతల" లేదా చల్లదన గుణం కలిగి ఉంటుంది. ఈ రెండు గుణాలు పరస్పర విరుద్ధంగా ఉండడం వల్ల జీర్ణవ్యవస్థపై ప్రతికూల ప్రభావం చూపే అవకాశం ఉంది. ఈ రెండింటిని కలిపి తింటే కొంత మందికి కడుపు ఉబ్బరం, మలబద్ధకం లేదా ఆమ్లత్వం (అసిడిటీ) కలగవచ్చు. పెరుగు వాత దోషాన్ని పెంచవచ్చు. ఉల్లిపాయలు కూడా అదే ప్రభావం చూపుతాయి, ఇది సర్ది, నలత వంటి సమస్యలకు దారి తీస్తుంది.కొంతమందిలో ఈ రెండింటిని కలిపి తీసుకోవడం వల్ల చర్మంపై దద్దుర్లు, దురద వచ్చే అవకాశం ఉంటుంది.
2. శాస్త్రీయ వైద్యంలో దృష్టి
ఆధునిక వైద్యపద్ధతుల్లో, ఉల్లిపాయలు, పెరుగు కలిపి తినడంలో నేరుగా ప్రమాదం ఉందని నిర్ధారించబడలేదు. అయితే కొంతమందికి ఈ కాంబినేషన్ వల్ల తేలికపాటి సమస్యలు ఎదురయ్యే అవకాశముంది: కొందరు వ్యక్తులకి ఉల్లిపాయల్లోని సల్ఫర్ సమ్మేళనాలు.పెరుగులోని లాక్టోస్ వల్ల అలర్జీ లేదా, అసహనం కలగవచ్చు. పెరుగును సరిగ్గా నిల్వ చేయకపోతే బ్యాక్టీరియల్ ఇన్ఫెక్షన్లకు అవకాశం ఉంటుంది. దీనిని ఉల్లిపాయలతో కలిపి తినడం వల్ల పరిస్థితి మరింత దిగజారవచ్చు. ఈ రెండింటిని కలిపి తీసుకోవడం వల్ల హార్మోన్లు ఇంబ్యాలెన్స్ అయ్యే ప్రమాదం ఉంటుంది
3. సమతుల్యంగా తినడం ముఖ్యం
ఉల్లిపాయలు ,పెరుగు కలిపి తినాలంటే కొన్ని జాగ్రత్తలు తీసుకోవడం మంచిది. తాజా ఉత్పత్తులను మాత్రమే ఉపయోగించాలి. గ్యాస్, అజీర్ణం, ఇతర సమస్యలు ఉంటే డాక్టరును సంప్రదించాలి. ఈ కాంబినేషన్ తరచుగా తినడం కంటే ఇతర ఆహార పదార్థాలతో వాటిని విడిగా కలిపి తీసుకోవడం ఉత్తమం.
ఉల్లిపాయలు, పెరుగు కలిపి తినడం ఆరోగ్యానికి ప్రామాణికంగా హానికరం అని చెప్పలేం. అయితే వ్యక్తిగత ఆరోగ్య పరిస్థితులు , శరీర తత్వాలను బట్టి సమస్యలు ఉండవచ్చు. కాబట్టి, ఈ కాంబినేషన్ మీకు సరిగా పనిచేస్తుందా లేదా అనేది ఒకసారి పరీక్షించి నిర్ణయించుకోవడం మంచిది. ఆరోగ్య సంబంధిత ఆహారాలపై నిర్ణయాలు తీసుకునే ముందు నిపుణుల సలహా తీసుకోవడం ఉత్తమం.
Click it and Unblock the Notifications
Sign in with Google