వైద్యులు సర్జరీ ఎలా చేస్తారో తెలుసా?

సర్జరీని తెలుగులో శస్త్రచికిత్స అంటారు. మన శరీరంలో ఏదైనా భాగం అనారోగ్యానికి గురైతే దాన్ని బాగుచేయడానికి వైద్యులు శస్త్రచికిత్స నిర్వహిస్తారు. శరీరంలోని ఒక భాగాన్ని లేదంటే అవయవాన్ని సరిచేయడానికి, తొలగించడానికి శస్త్రచికిత్స చేస్తారు. సర్జరీ చేయడానికి ముందు రోగికి అనస్థీషియా ఇస్తారు. అనస్థీషియా రకం, సర్జరీ రకం, రోగి ఆరోగ్యం ఆధారంగా వైద్యులు నిర్ణయిస్తారు. ముందుగా శస్త్రచికిత్స చేయవలసిన భాగాన్ని శుభ్రం చేసి, క్రిమిసంహారక మందులతో శుభ్రం చేస్తారు. ఆ తర్వాత ఎక్కడైతే సర్జరీ చేయాలో ఆ భాగాన్ని చేరుకోవడానికి కోతలు కోస్తారు. సర్జరీని బట్టి శరీరాన్ని అక్కడ ఎంత కోయాలనేది నిర్ణయిస్తారు.

కోలుకోవడానికి కొంత సమయం పడుతుంది
కోత అయిపోయిన తర్వాత వైద్యులు శరీరంలోని గాయపడిన భాగాన్ని సరిచేయడానికి లేదా తొలగించడానికి అవసరమైన చర్యలు తీసుకుంటారు. ఈ ప్రక్రియలో వివిధ వైద్య పరికరాలను ఉపయోగిస్తారు. చికిత్స పూర్తయిన తర్వాత, కోతను కుట్లు లేదా స్టేపుల్స్‌తో మూసివేస్తారు. చికిత్స తర్వాత రోగికి అవసరమైన అన్ని వైద్య పరీక్షలు చేయిస్తారు. రోగికి నొప్పిని తగ్గించే మందులు, ఇతర అవసరమైన మందులు ఇస్తారు. రోగి పూర్తిగా కోలుకోవడానికి కొంత సమయం పడుతుంది. సర్జరీలో చాలారకాలున్నాయి. చికిత్స చేయించుకునేముందు వాటిగురించి వైద్యులతో వివరంగా మాట్లాడాలి. సమాచారం మొత్తం రోగి తెలుసుకోవాలి.

సర్జరీకి ముందు అన్ని పరీక్షలు
సర్జరీకి ముందు అవసరమైన అన్ని పరీక్షలు తప్పనిసరిగా చేయించుకోవాలి. పెద్ద గడ్డలు లేదా కణతులను తొలగించడానికి, కొన్ని రకాల క్యాన్సర్‌లకు, పెద్ద గడ్డలకు ఓపెన్ సర్జరీ అవసరమవుతుంది. మూత్రపిండాలు, కాలేయం, గుండె మొదలైన అవయవాల మార్పిడికి, పెద్ద పరిమాణంలో ఉన్న అవయవాలను సరిచేయడానికి ఓపెన్ సర్జరీ అవసరమవుతుంది. పెద్ద పరిమాణంలో ఉన్న భాగాలను సులభంగా చేరుకోవచ్చు. సమస్యను పరిష్కరించుకోవచ్చు.

సర్జరీలో రకాలు
ఓపెన్ సర్జరీ: శరీరంలో పెద్ద కోత చేసి శస్త్రచికిత్స చేయడం.
ల్యాప్రోస్కోపిక్ సర్జరీ: చిన్న కోతల ద్వారా శస్త్రచికిత్స చేయడం.
రోబోటిక్ సర్జరీ: కంప్యూటర్‌తో నియంత్రించే యంత్రాన్ని ఉపయోగించి శస్త్రచికిత్స చేయడం.

English summary

Doctors perform surgery to repair or remove a part of the body. Depending on the surgery, they will determine how much of the body needs to be cut.