చద్దన్నం తింటున్నారా? ముందు ఇది తెలుసుకోండి!

మన పూర్వీకులు సూర్యోదయానికి ముందే లేచి కాలకృత్యాలు తీర్చుకొని చద్దన్నం తిని పనికి వెళ్లేవారు. మధ్యాహ్నం అన్నం తిన్నతర్వాత సూర్యాస్తమయం లోపు సాయంత్రం భోజనం తినేవారు. వారు ఎన్ని తిన్నా ఉదయం తిన్న చద్దన్నం అమితమైన శక్తిని అందించేది. ప్రస్తుతం మనమంతా చద్దన్నమా? అంటూ చాలా తేలికగా చూస్తున్నాం. అది అమృతంతో సమానం. ఎన్నో ఆరోగ్య ప్రయోజనాలను అందిస్తుంది. రోజంతా శరీరం శక్తితో ఉండేలా చూస్తుంది. అటువంటి చద్దన్నాన్ని ఇప్పుడిప్పుడే అందరూ మళ్లీ తినడం ప్రారంభిస్తున్నారు. దాన్ని ఎలా తయారు చేస్తారు? దాని వల్ల ప్రయోజనాలను తెలుసుకుందాం.

చద్దన్నం తయారీకి కావాల్సిన పదార్థాలు
అన్నం (ఒకటిన్నర కప్పులు)
వేడి నీరు (ఒక కప్పు)
పాలు (ఒక కప్పు)
మజ్జిగ (మూడు టేబుల్ స్పూన్లు)
ఉల్లిపాయ (1)
పచ్చిమిర్చి (కొన్ని)
ఉప్పు (రుచికి తగినంత)

తయారుచేసే విధానం
అన్నం మరిగించుకోవడం... ముందుగా అన్నాన్ని బాగా ఉడికించుకోవాలి. మెత్తగా ఉడికించిన అన్నం చద్దన్నానికి మంచి రుచినిస్తుంది. అన్నం, నీరు, పాలు కలపడం... ఉడికించిన అన్నాన్ని ఒక పాత్రలో తీసుకొని, దానిలో వేడి నీరు, పాలు కలిపి బాగా కలపాలి. వేడి తగ్గించి మజ్జిగ వేయడం... ఈ మిశ్రమం వేడి తగ్గిన తర్వాత దానిలో మజ్జిగ వేసి మళ్ళీ బాగా కలపాలి. మజ్జిగకు బదులు పెరుగు వాడొచ్చు కానీ, మజ్జిగ వల్ల చద్దన్నం మరింత రుచికరంగా ఉంటుంది. ఉల్లిపాయ, పచ్చిమిర్చి వేయడం... ఉల్లిపాయను పెద్ద ముక్కలుగా, పచ్చిమిర్చిని రెండు ముక్కలుగా కట్ చేసి ఈ మిశ్రమంలో వేయాలి. ఉప్పు వేసి కలపడం... చివరగా రుచికి తగినంత ఉప్పు వేసి బాగా కలపాలి. ఈ మిశ్రమాన్ని ఒక పాత్రలో వేసి మూత పెట్టి రాత్రి మొత్తం అలాగే ఉంచాలి. తర్వాత రోజు ఉదయం చద్దన్నం తయారై ఉంటుంది. దీన్ని రుచికరంగా తినొచ్చు.

ఆరోగ్య ప్రయోజనాలు
జీర్ణవ్యవస్థకు మంచిది... చద్దన్నంలో ప్రోబయోటిక్స్ పుష్కలంగా ఉంటాయి. ఇవి జీర్ణవ్యవస్థను ఆరోగ్యంగా ఉంచుతాయి. వేసవిలో చల్లదనాన్ని ఇస్తుంది... వేసవి కాలంలో చద్దన్నం శరీరానికి చల్లదనాన్ని ఇస్తుంది. బరువు తగ్గడానికి సహాయపడుతుంది... చద్దన్నం త్వరగా జీర్ణమవుతుంది, కేలరీలు తక్కువగా ఉంటాయి. మధుమేహం నియంత్రణకు సహాయపడుతుంది... చద్దన్నం బ్లడ్ షుగర్ లెవెల్స్‌ను నియంత్రించడంలో సహాయపడుతుంది. చద్దన్నాన్ని మట్టి కుండలో తయారు చేస్తే మరింత రుచి వస్తుంది. దీన్ని పచ్చడి, పెరుగు వంటివి కలిపి తింటే రుచి పెరుగుతుంది. చద్దన్నంలో కొద్దిగా కరివేపాకు, కొత్తిమీర వంటివి వేసి తయారు చేయొచ్చు. ఉదయం నిద్ర లేవగానే తినేయాలి. దీన్ని తయారుచేసేటప్పుడు ఎంతో పరిశుభ్రత పాటించాలి. ఇది చాలా ముఖ్యమైన అంశం.

English summary

fermented rice health benefits and uses