health tips: మందులతో కాకుండా డయాబెటిస్ కంట్రోల్ లో ఉండాలంటే ఈ పనులు చెయ్యండి!!
ప్రస్తుత సమాజంలో చాలామంది డయాబెటిస్ తో బాధపడుతున్నారు. డయాబెటిస్ సమాజాన్ని పట్టి పీడిస్తున్న దీర్ఘకాలిక వ్యాధిగా ప్రస్తుతం పరిణమించింది. ప్రపంచ వ్యాప్తంగా డయాబెటిస్ బాధితులు రోజురోజుకూ పెరుగుతున్నారు. డయాబెటిస్ బారిన పడిన వారు ప్రతిరోజు తప్పనిసరిగా మందులు వాడాల్సిందే. డయాబెటిస్ ను అదుపులో ఉంచుకోవడం కోసం జాగ్రత్తలు తీసుకోవాల్సిందే.
చాలా మంది డయాబెటిస్ మందులు వాడే విషయంలో భయపడుతూ ఉంటారు. డయాబెటిస్ మందులు వాడడం వల్ల ఇతరత్రా ఆరోగ్య సమస్యలు వస్తాయని, కిడ్నీల మీద ప్రభావం పడి కిడ్నీలు త్వరగా పాడైపోతాయి అని భయపడుతూ ఉంటారు. డయాబెటిస్ ను పట్టించుకోకపోతే చాలా ప్రమాదం. అలా అని మరీ డయాబెటిస్ ను భూతద్దంలో చూసి ఎక్కువగా బాధ పడటం కూడా అంతే ప్రమాదం.
అలాంటివారు డయాబెటిస్ ని నాచురల్ గా కంట్రోల్లో పెట్టుకోవాలంటే చిన్న చిన్న చిట్కాలను పాటించాలి. డయాబెటిస్ ని కంట్రోల్ లో ఉంచుకోవడం కోసం ప్రతిరోజు క్రమం తప్పకుండా కనీసం ఒక అరగంట పాటయినా వ్యాయామం చేయాలి. లేదా గంట పాటు ప్రతిరోజూ వాకింగ్ చేయాలి. ఇక ఆహారం విషయంలో జాగ్రత్తలు తీసుకోవాలి. కార్బోహైడ్రేట్స్ తక్కువగా తిని, ప్రోటీన్ ఫుడ్ ఎక్కువగా తీసుకోవాలి. తీపి పదార్థాలకు, స్వీట్స్ కు దూరంగా ఉండాలి.
వీటితో పాటు డయాబెటిస్ కంట్రోల్ లో ఉండాలంటే కొన్ని సహజ సిద్ధమైన పదార్థాలను తీసుకోవచ్చు. ప్రతిరోజు రెండు చెంచాల మెంతులు నానబెట్టి తెల్లవారుజామున పరగడుపున ఆ నీళ్లను తాగాలి. ఆ మెంతులను కూడా నమిలి తినాలి. అంతేకాదు ప్రతిరోజు కాకరకాయ రసం తాగినా డయాబెటిస్ కంట్రోల్ లో ఉంటుంది.
ప్రతిరోజూ 10 వేప చిగుళ్లు తిన్నా డయాబెటిస్ కంట్రోల్ లో ఉంటుంది. కాబట్టి డయాబెటిస్ ను మందులు వాడకుండా అదుపులో ఉంచుకోవాలి అనుకునేవారు పైన చెప్పిన వాటిని ఒక క్రమపద్ధతిలో చేయాల్సి ఉంటుంది. ఏదైనా అతిగా చేసినా, లేక చేయకపోయినా ప్రమాదమే. ఇవి చేస్తే ఖచ్చితంగా డయాబెటిస్ కంట్రోల్ లోకి వస్తుంది. ఒకవేళ డయాబెటిస్ కంట్రోల్ లోకి రాలేదు అంటే కచ్చితంగా డాక్టర్ ను సంప్రదించాల్సిందే.
disclaimer: ఈ కథనం వైద్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.
Click it and Unblock the Notifications
Sign in with Google