గుమ్మడి కాయ హల్వా ఎలా చేయాలంటే..?

Published: Thursday, December 11, 2025, 17:20 [IST]

తీపి వంటల్లో హల్వాకు ప్రత్యేక క్రేజ్ ఉంది. క్యారెట్, బ్రెడ్, సుజీ హల్వాలు మనందరికీ సుపరిచితం. అయితే ఆరోగ్యకరమైన పదార్థాలతో రుచికరమైన వంటకం చేయాలనుకునే వారికి గుమ్మడికాయ హల్వా ఒక మంచి ఛాయిస్ అవుతోంది. ఇది ఎప్పుడైనా తినగలిగే తీపి వంటకం మాత్రమే కాకుండా.. పండుగలు, శుభకార్యాల కోసం ప్రత్యేక రుచిని అందిస్తుంది. గుమ్మడికాయను 'సూపర్ ఫుడ్' అనడానికి కారణం అందులో ఉన్న ఫైబర్, బీటా కెరోటిన్, పొటాషియం, యాంటీ ఆక్సిడెంట్లు, విటమిన్-A, C లు.

గుమ్మడికాయ జీర్ణక్రియను మెరుగుపరచడమే కాకుండా.. రోగ నిరోధక శక్తిని పెంచుతుంది. గుండె ఆరోగ్యం మెరుగుపడటానికి సహాయపడుతుంది. అలానే చర్మానికి నిగారింపు తీసుకు రావడంతో పాటు హల్వా రూపంలో పోషకాలను మరింత రుచిగా శరీరానికి అందిస్తాయి. ఈ ప్రత్యేక గుమ్మడికాయ హల్వా రెసిపీని ఇంట్లో సులభంగా ఎలా తయారు చేయాలో మీకోసం ప్రత్యేకంగా..

తయారీకి కావాల్సిన పదార్థాలు..

గుమ్మడికాయ - ½ కిలో
నెయ్యి - 1 కప్పు
జీడిపప్పు - 10
చక్కెర - 1 కప్పు
యాలకుల పొడి - ½ చెంచా
దోస గింజలు - 1 చెంచా
ఉప్పు - చిటికెడు
కావాలంటే ( బాదం, కిస్మిస్, కుంకుమపువ్వు (అదనపు రుచికి) )

గుమ్మడికాయ హల్వా తయారీ విధానం..

ముందుగా గుమ్మడికాయను శుభ్రంగా కడిగి చిన్న ముక్కలుగా కోయాలి.
లోపలి గింజలను పూర్తిగా తీసేయాలి. పై తొక్కను తొలగించి సన్నగా తురుమాలి.
తురిమిన గుమ్మడికాయను 10 నిమిషాలు మూత పెట్టి ఉంచితే దాని మృదుత్వం పెరుగుతుంది.
పాన్‌లో కొద్దిగా నెయ్యి వేసి వేడెక్కించాలి. జీడిపప్పులను వేసి బంగారు రంగు వచ్చే వరకు వేయించి పక్కన పెట్టాలి.
కావాలంటే కిస్మిస్‌నూ వేయించుకోవచ్చు.
అదే పాన్‌లో మరో 2-3 స్పూన్ల నెయ్యి వేసి తురిమిన గుమ్మడికాయ జోడించాలి.
మృదువుగా అయ్యే వరకు 15-20 నిమిషాలు వేయించాలి.
వాసన మారి, నీరు ఆవిరైపోతే సరైన దశ.
గుమ్మడికాయ పూర్తిగా ఉడికిన తర్వాత చక్కెర జోడించాలి.
చక్కెర కరుగుతూ మిశ్రమం చిక్కగా మారుతుంది.
ఈ దశలో కొద్దికొద్దిగా నెయ్యి చేర్చితే హల్వాకు అద్భుతమైన రుచి వస్తుంది.
ఇప్పుడు యాలకుల పొడి, దోస గింజలు కలపాలి. రుచిని మరింత పెంచడానికి చిటికెడు ఉప్పు తప్పనిసరిగా వాడాలి.
కావాలంటే కుంకుమపువ్వు పాలు కొంచెం పోసి కలిపితే రంగు, రుచి రెండూ మెరుగవుతాయి.