కూల్ డ్రింక్ తాగిన తర్వాత ఏమవుతుందో తెలుసా?

మండే ఎండల్లో దాహార్తి తీర్చుకునేందుకు చల్లచల్లగా కూల్‌డ్రింక్‌ తాగుతుంటే ప్రాణం లేచొచ్చినట్టు అనిపిస్తుంది. కానీ ఆ కూల్ డ్రింకే ప్రాణాలను తీసే కెమికల్స్ ను కూడా కలిగివుంటుంది. కూల్ డ్రింక్ తాగిన తర్వాత మన శరీరంలో ఎటువంటి మార్పులు చోటుచేసుకుంటాయో తెలుసుకుందాం.

మొదటి 10 నిమిషాలు
నాలుగు టీ స్పూన్ల పంచదార మన శరీరంలోకి చేరుకుంటుంది. అయితే చక్కెర అధికంగా అవడంవల్ల వాంతి అవకుండా కూల్ డ్రింక్ తయారుచేసే సమయంలో ఫాస్పారిక్ యాసిడ్ ను వాడతారు.

తర్వాత 20 నిమిషాలు
రక్తంలో చక్కెర శాతం పెరుగుతుంది. దీనివల్ల ఇన్సులిన్ ఉధృతి పెరిగి అధికంగా ఉండే చక్కెరను కాలేయం కొవ్వుగా మారుస్తుంది.

తర్వాత 40 నిమిషాలు
కూల్ డ్రింక్ లో ఉండే కెఫీన్ రక్తపోటు రావడానికి కారణమవుతుంది. కాలేయంలో పేరుకుపోయే కొవ్వును వదిలించడం కోసం మెదడులో అడినోసిన్‌ రిసెప్టార్లు మూసుకుపోతాయి.

తర్వాత 45 నిమిషాలు
ఫాస్ఫారిక్‌ యాసిడ్‌ చిన్న పేగుల్లో క్యాల్షియం, మెగ్నీషియం, జింక్‌లను బైండ్‌ చేస్తుంది. చక్కెరతో శరీరంలోని క్యాల్షియం బయటకు వెళ్లిపోతుంది.

తర్వాత 60 నిమిషాలు
కెఫీన్‌ డయూరిటిక్‌గా పని చేస్తుంది. తద్వారా మూత్రం తోపాటు క్యాల్షియం, మెగ్నీషియం, జింక్‌, సోడియం, ఎలక్ట్రోలైట్లు బయటకు వెళ్లిపోతాయి.

ఆ తర్వాత
షుగర్‌ క్రాష్‌ వల్ల చీకాకు, నిస్సత్తువలు వేధిస్తాయి. మూత్రంలో ఇతర న్యూట్రియంట్లను కూడా కోల్పోతాం కాబట్టి త్వరగా డీహైడ్రేషన్‌కు గురవుతాం

మరిన్ని దుష్ప్రభావాలు
ప్రతిరోజు మనం తీసుకున్న కప్పు కాఫీకన్నా 10 రెట్లు ఎక్కువ కెఫీన్ ఉంటుంది. దీనివల్ల శరీరం దుష్ప్రభావానికి లోనవుతుంది. రక్తపోటు పెరగడంతోపాటు గుండె కొట్టుకునే తీరులో మార్పులు చోటుచేసుకుంటాయి. కొన్ని సందర్భాల్లో గుండెపోటు రావడానికి కూడా అవకాశం ఉంటుంది. కిడ్నీలపై విపరీతమైన భారం పడుతుంది. కూల్ డ్రింక్స్ లో ఉండే యాసిడ్స్, చక్కెర పంటి మీద ఉండే ఎనామిల్ ను పాడుచేస్తాయి.

English summary

Drinking a cool drink to quench your thirst in the scorching sun feels like you have revived.