చాయ్లో యాలకులు కలిపి తాగుతున్నారా?
కొంతమందికి చాయ్ తాగనిదే రోజు ప్రారంభం కాదు. టీని కొన్ని రకాల మసాలా దినుసులు కూడా కలిపి చేస్తారు. అలాంటి వాటిల్లో అల్లం, యాలకులు, లవంగాలు ప్రధానమైనవి. ప్రధానంగా యాలకులు వేసి చేసిన టీ ఆహ్లాదకరమైన సువాసన , రుచిని కలిగి గుంది. ఈ చాయ్ కేవలం రుచి కోసం మాత్రమే కాదు, మన ఆరోగ్యానికి ఎంతో మేలు చేస్తుంది. యాలకులు (Cardamom) భారతీయ వంటకాలలో సాధారణంగా ఉపయోగించే సుగంధ ద్రవ్యం మాత్రమే కాదు. ఒక ఔషధగుణాలను కలిగిన పదార్థం కూడా. టీలో యాలకులు చేర్చి తాగడం వల్ల కలిగే ప్రయోజనాలు చూద్దాం.
టీ తాగడం వల్ల కలిగే లాభాలు:
టీలో యాంటీ ఆక్సిడెంట్లు, విటమిన్లు, మినరల్స్ పుష్కలంగా ఉంటాయి. ఇవి రోగనిరోధక శక్తిని పెంచి, బ్యాక్టీరియా, వైరస్ల నుంచి కాపాడుతాయి. మనసు ప్రశాంతంగా ఉంటుంది. ఒత్తిడి, ఆందోళన తగ్గుతాయి. కొన్ని రకాల టీలు జీర్ణక్రియను మెరుగుపరుస్తాయి. గ్రీన్ టీ వంటివి గుండె ఆరోగ్యానికి చాలా మంచివి. కొన్ని రకాల టీలు జీవక్రియ రేటును పెంచి బరువు తగ్గడానికి సహాయపడతాయి. అలాంటి వాటిల్లో యాలకులతో చేసిన టీ ఒకటి.
యాలకులు వేసిన చాయ్ తాగడం వల్ల కలిగే ప్రయోజనాలు
యాలకులకులతో చేసిన చాయ్ జీర్ణక్రియను మెరుగుపరుస్తుంది. అజీర్తి, గ్యాస్, మలబద్ధకం వంటి సమస్యలను తగ్గిస్తాయి. యాలకుల్లో యాంటీ ఆక్సిడెంట్లు పుష్కలంగా ఉంటాయి. ఇవి శ్వాసకోశ సమస్యలను తగ్గించడానికి సహాయపడతాయి. దగ్గు, జలుబు, అలర్జీ వంటి సమస్యల నుండి ఉపశమనం కలిగిస్తాయి. రక్తపోటును నియంత్రించడానికి సహాయపడతాయి. గుండె సంబంధిత వ్యాధులను నిరోధిస్తాయి. మెదడుకు రక్త ప్రసరణను మెరుగుపరుస్తాయి. జ్ఞాపకశక్తిని పెంచుతాయి. యాలకుల్లో క్యాన్సర్ కణాల వృద్ధిని నిరోధించే గుణాలు ఉన్నాయి. నోటి దుర్వాసనను తగ్గిస్తాయి. నోటి ఆరోగ్యాన్ని మెరుగుపరుస్తాయి. యాలకులు ఒత్తిడిని తగ్గించడానికి సహాయపడతాయి. మనోధైర్యాన్ని పెంచుతాయి. జీవక్రియను వేగవంతం చేయడం ద్వారా బరువు తగ్గడానికి సహాయపడతాయి.
యాలకులు వేసిన చాయ్ తయారీ:
ఒక కప్పు నీటిని మరిగించండి. దీనిలో 2-3 యాలకులు, ఒక అంగుళం దాల్చిన చెక్క, కొద్దిగా ఇంగువ వేసి మరిగించండి. తరువాత చాయ్ పొడి వేసి కాసేపు మరిగించి, స్ట్రైనర్తో వడకట్టి తాగండి. మీరు ఇష్టమైతే పాలు, చక్కెర కూడా వేసుకోవచ్చు. అయితే ఉదయం లేచి వెంటనే ఒక కప్పు టీ తాగడం వల్ల శరీరం చురుగ్గా మారుతుంది. సాయంత్రం భోజనం తర్వాత కూడా తాగవచ్చు. అయితే రాత్రి నిద్రకు ముందు తాగడం మంచిది కాదు.
యాలకులు అన్ని రకాల వంటకాలలో ఉపయోగించవచ్చు. అయితే అధికంగా యాలకులు తీసుకోవడం వల్ల కడుపు నొప్పి, మంట వంటి సమస్యలు వచ్చే అవకాశం ఉంది. గర్భిణీ స్త్రీలు, చిన్న పిల్లలు యాలకులను తీసుకునే ముందు వైద్యుల సలహా తీసుకోవడం మంచిది.
గమనిక: ఈ సమాచారం కేవలం సాధారణ సమాచారం కోసం మాత్రమే. ఏదైనా ఆరోగ్య సమస్య ఉంటే వైద్యులను సంప్రదించడం మంచిది.
Click it and Unblock the Notifications
Sign in with Google