జన్మ నక్షత్రం మూల, పూర్వాషాఢ ఉన్నవారి మే నెల జాతక ఫలం
తెలుగు సంప్రదాయం, వేద జ్యోతిష్య శాస్త్రం ప్రకారం జన్మ నక్షత్రానికి అత్యంత ప్రాధాన్యత ఉంది. ఒక వ్యక్తి పుట్టినప్పుడు చంద్రుడు ఏ నక్షత్రంలో ఉంటే, దాన్నే ఆ వ్యక్తి 'జన్మ నక్షత్రం' అని పిలుస్తారు. జాతక చక్రం మొత్తం ఈ జన్మ నక్షత్రం ఆధారంగానే నిర్మించబడుతుంది. జ్యోతిష్య శాస్త్రం ప్రకారం చంద్రుడు మనస్సుకు అధిపతి. కాబట్టి, పుట్టినప్పుడు చంద్రుడు ఉన్న నక్షత్రం ఆ వ్యక్తి ఆలోచనా తీరును, ప్రవర్తనను, స్వభావాన్ని నిర్ణయిస్తుంది. మనకు తెలుగులో 27 నక్షత్రాలున్నాయి. ఇవి కాకుండా ఉత్తరాషాఢ, శ్రవణా నక్షత్రాల మధ్య సూక్ష్మమైన అభిజిత్ నక్షత్రం ఉంటుంది. శుభ ముహూర్తాల కోసం దీన్ని పరిగణనలోకి తీసుకుంటారు. నక్షత్రం మాత్రమే మొత్తం జాతకాన్ని నిర్ణయించదు.
జాతక చక్రంలో ఉండే లగ్నం, ఇతర గ్రహాల స్థితి , అవి ఇచ్చే దృష్టి కూడా ఫలితాలను మారుస్తాయి. అందుకే నక్షత్రాన్ని జాతకానికి పునాదిగా తీసుకుంటారు. వ్యక్తిగత జాతకంలోని గ్రహ స్థితులు, దశలను బట్టి ఫలితాల్లో అప్పుడప్పుడు స్వల్ప మార్పులు చోటుచేసుకునే అవకాశం ఉంటుంది.మే నెలలో ధనుస్సు రాశికి చెందిన మూల, పూర్వాషాఢ నక్షత్రాల జాతక ఫలాలు బృహస్పతి, సూర్యుడి మార్పుల ఆధారంగా ఉన్నాయి. గురు గ్రహం తన స్థానాన్ని మార్చి వృషభ రాశిలోకి ప్రవేశించడం వల్ల వీరి జీవితాల్లో కీలక మార్పులు చోటుచేసుకోబోతున్నాయి. ఈ నెలలో వచ్చే అక్షయ తృతీయ కలిసి వస్తుంది. ఆ రోజు మీరు చేసే ఏ చిన్న మంచి కార్యమైనా రెట్టింపు ఫలితాన్ని ఇస్తుంది. ఈ నెలలో మీరు ఎంత ప్రశాంతంగా ఉంటే అంతగా మీ గ్రహబలం పెరుగుతుంది.
మూల నక్షత్రం
కేతువు అధిపతిగా ఉండే ఈ నక్షత్రం వారికి మే నెల 'ఆధ్యాత్మికత, ఆర్థిక పరివర్తన' ఉంటుంది. ఈ నెలలో చేసే పనిలో కొన్ని అనూహ్య మార్పులు వస్తాయి. మీరు నమ్ముకున్న సిద్ధాంతాల కంటే, ప్రాక్టికల్గా ఆలోచించి నిర్ణయాలు తీసుకుంటారు. విదేశీ సంబంధిత వ్యాపారాలు లేదా సాఫ్ట్వేర్ రంగంలో ఉన్నవారికి కొత్త ప్రాజెక్టులు లభిస్తాయి. కానీ మీకు తెలియకుండా ఉండే రహస్య శత్రువుల పట్ల జాగ్రత్త వహించాలి. మే రెండో వారం నుండి అకస్మాత్తుగా ధన లాభం కలిగే సూచనలున్నాయి.
గతంలో నిలిచిపోయిన ఇన్సూరెన్స్ డబ్బులు లేదా వారసత్వ ఆస్తుల ద్వారా ఆదాయం రావచ్చు. భూమి లేదా పాత ఇళ్ల అమ్మకం ద్వారా లాభం పొందుతారు. ఈ నెలలో ఒక కొత్త విద్యను లేదా టెక్నాలజీని నేర్చుకోవడానికి ఆసక్తి చూపిస్తారు. తండ్రివైపు ఆస్తి విషయంలో ఉన్న చిక్కుముడులు విడిపోతాయి. కండరాల నొప్పులు లేదా వెన్నునొప్పి ఇబ్బంది పెట్టవచ్చు. ఆహారంలో కాల్షియం ఉండేలా చూసుకోండి. వినాయకుడికి గరికతో పూజ చేయడం, గురువారం రోజు దక్షిణామూర్తిని దర్శించుకోవడం శుభప్రదం.
పూర్వాషాఢ నక్షత్రం
శుక్రుడు అధిపతిగా ఉండే ఈ నక్షత్రం వారికి మే నెల 'సుఖ సంతోషాలు, సామాజిక హోదా'ను పెంచుతోంది. ఉద్యోగంలో మీ మాటకు విలువ పెరుగుతుంది. ముఖ్యంగా మే 15 తర్వాత సూర్యుడి సంచారం అనుకూలించడం వల్ల ప్రభుత్వ పరమైన పనులు వేగవంతం అవుతాయి. కళాకారులు, డిజైనర్లు, మార్కెటింగ్ రంగంలో ఉన్నవారికి ఈ నెల గోల్డెన్ పీరియడ్ అని చెప్పవచ్చు. నూతన వ్యాపార ఒప్పందాలు కుదుర్చుకుంటారు. విలాసవంతమైన జీవితం కోసం డబ్బులు ఖర్చు చేస్తారు. కొత్త వాహనం లేదా గృహోపకరణాలు కొంటారు. మితిమీరిన ఉత్సాహంతో అనవసర పెట్టుబడులు పెట్టవద్దు. మహిళల ద్వారా మీకు ఆర్థిక లాభం కలిగే అవకాశం ఉంది.
పెండింగ్లో ఉన్న కోర్టు వ్యవహారాలు లేదా బ్యాంకు లోన్లు క్లియర్ అవుతాయి. ఈ నెలలో మీకు ఒక ప్రముఖ వ్యక్తితో పరిచయం ఏర్పడి, అది మీ భవిష్యత్తుకు ఉపయోగపడుతుంది. కళ్ల సమస్యలు లేదా చర్మ సంబంధిత అలర్జీలు వచ్చే అవకాశం ఉంది. వేడి నుండి రక్షణ పొందడానికి తగిన జాగ్రత్తలు తీసుకోవాలి. మహాలక్ష్మి అష్టకం పఠించడం, శుక్రవారం రోజు పేదలకు తెల్లని వస్తువులు దానం చేయడం మంచిది.
Click it and Unblock the Notifications
Sign in with Google