పెళ్లికి అడ్డంకులుంటే వాస్తు ప్రకారం వీటిని అనుసరించాలి.. ఒకసారి పరిశీలించండి

చాలా ఇళ్లలో తల్లిదండ్రులను వేధించే ప్రధాన సమస్య ఏమిటంటే.. పిల్లల పెళ్లి. పెళ్లీడు వచ్చిన అమ్మాయి లేదా అబ్బాయి ఇంట్లో ఉంటే, చుట్టుపక్కల వారు పెళ్లెప్పుడు? అంటూ ఒకటే విసిగిస్తుంటారు. ఎన్ని సంబంధాలు చూసినా ఏదో ఒక అడ్డంకి ఎదురవ్వడం, చివరి నిమిషంలో సంబంధం తప్పిపోవడం వంటివి తల్లిదండ్రులను మనోవేదనకు గురిచేస్తుంటాయి. జాతక దోషాలతో పాటు మనం నివసించే ఇంట్లోని వాస్తు దోషాలు కూడా వివాహం జరిగే సమయాన్ని ఆలస్యం చేస్తుంటాయి. అటువంటప్పుడు కొన్ని వాస్తు సూత్రాలను అనుసరిస్తే త్వరగా వివాహం కుదురుతుంది.

నిద్రించే దిక్కు మీ భవిష్యత్తును మారుస్తుంది.
మీరు పడుకునే గది, పడక దిక్కు మీ ఆలోచనలపై, సానుకూల శక్తిపై ప్రభావం చూపుతాయి.
అమ్మాయిలు ఇంటికి వాయువ్య దిశ గదిలో నిద్రించాలి.
పొరపాటున కూడా నైరుతి మూలలో నిద్రించకూడదు.
అబ్బాయిలు ఈశాన్య దిశలో నిద్రపోవాలి.
ఇలా చేస్తే పెళ్లి ప్రయత్నాలు వేగంగా జరుగుతాయి.
ఆగ్నేయ దిశకు అబ్బాయిలు దూరంగా ఉండాలి.

మంచం కింద ఇనుము ఉండకూడదు.
చాలామంది మంచం కింద అనవసరమైన సామాన్లు, ముఖ్యంగా ఇనుప వస్తువులు పెడుతుంటారు.
పెళ్లి కావాల్సిన వారు తమ మంచం కింద ఎటువంటి ఇనుప వస్తువులను ఉంచకూడదు.
గదిని శుభ్రంగా ఉంచాలి.
గాలి వెలుతురు ధారాళంగా వచ్చేలా చూసుకోవాలి.
ఇది సానుకూల శక్తిని పెంచుతుంది.

మనం ధరించే దుస్తులు, గదిలోని రంగులు కూడా మన మానసిక స్థితిని ప్రభావితం చేస్తాయి.
పడకపై ముదురు రంగులు వాడొద్దు.
పింక్, పసుపు, తెలుపు లేదా లేత ఊదా రంగు బెడ్‌షీట్లు వాడండి.
ఇవి ప్రశాంతతను, ఆకర్షణ శక్తిని ఇస్తాయి.

పెళ్లి సంబంధాలు చూసే సమయంలో నలుపు రంగుకు దూరంగా ఉండాలి.
నలుపు శని, రాహువుల ప్రభావానికి సంకేతం.
ఎరుపు, పసుపు, ఆకుపచ్చ వంటి శుభప్రదమైన రంగుల దుస్తులను ధరించండి.

ఇంటి గోడలకు ముదురు రంగులు కాకుండా పాస్టెల్ లేదా లేత రంగులు వేయాలి.
దీనివల్ల ఇంట్లో ఆహ్లాదకరమైన వాతావరణం నెలకొంటుంది.
ఇంటి మధ్య భాగంలో ఎప్పుడూ బరువైన వస్తువులు లేదా మెట్లు ఉండకూడదు.
ఇది వివాహ ప్రక్రియలో అడ్డంకులను, జాప్యాన్ని కలిగిస్తాయి.
వాస్తు మార్పులతో పాటు మనసును ప్రశాంతంగా ఉంచుకోవాలి.
సానుకూల దృక్పథంతో ప్రయత్నాలు కొనసాగిస్తే త్వరలోనే మీ ఇంట్లో పెళ్లి బాజాలు మోగడం ఖాయం!

English summary

Vastu: If your wedding plans are being delayed, you should immediately change the direction you sleep in at home. Make sure there are no iron objects under the bed.