Vastu tips: ఈ చిన్న మార్పే.. మీకు అష్టైశ్వర్యాలను తెస్తుంది!
మనం ఎంత కష్టపడి సంపాదించినా ఇంట్లో సుఖశాంతులు లేకపోతే ఆ సంపాదనకు అర్థమే ఉండదు. మన ఇల్లే మనకు ఒక పెద్ద కొండంత అండ. అయితే, ఇంట్లో ఉండే ప్రతి దిక్కు, మనం పెట్టే ప్రతి వస్తువు మన జీవితంపై, మన ఆలోచనలపై ప్రభావం చూపుతాయని వాస్తు శాస్త్రం చెబుతోంది. అందుకే పెద్దలు "ఇల్లు చూసి ఇల్లాలుని చూడమన్నారు". ఇల్లు శుభ్రంగా, వాస్తు నియమాలతో ఉంటే సానుకూల శక్తి పెరిగి, అదృష్టం, ఐశ్వర్యం వాటంతట అవే నడిచి వస్తాయి. మరి ఇంట్లో చిన్న చిన్న మార్పులతోనే అద్భుతమైన ప్రశాంతతను, ఆర్థిక పురోగతిని ఎలా సాధించవచ్చో ఇప్పుడు తెలుసుకుందాం.
మెథడిస్ట్ స్ఫటికాలతో ఇంట్లోని నెగటివిటీకి చెక్!
ప్రస్తుత కాలంలో ఆఫీస్ ఒత్తిడి, మానసిక అశాంతి వల్ల కుటుంబ సభ్యుల మధ్య చిన్న చిన్న గొడవలు జరగడం సహజం. ఇలాంటి ప్రతికూల వాతావరణాన్ని దూరం చేయడానికి వాస్తు శాస్త్రంలో కొన్ని సహజ సిద్ధమైన రాళ్లను, స్ఫటికాలను సూచిస్తారు. ముఖ్యంగా అమెథిస్ట్ అనే రత్నానికి ప్రతికూల శక్తిని లాగేసుకునే గుణం ఉంది. ఇంటి హాల్లో లేదా అందరూ కూర్చునే చోట ఒక గాజు పాత్రలో ఈ అమెథిస్ట్ రాళ్లను ఉంచితే, గదిలోని ఒత్తిడి తగ్గి కుటుంబ సభ్యుల మధ్య ప్రేమ, సామరస్యం పెరుగుతాయి. అయితే, ఈ రాళ్లను క్రమం తప్పకుండా శుభ్రపరుస్తూ ఉండాలి.
బాత్రూమ్ వాస్తు
చాలామంది ఇల్లంతా వాస్తు ప్రకారం చూసుకుంటారు కానీ బాత్రూమ్, టాయిలెట్ విషయాలను పట్టించుకోరు. వాస్తు ప్రకారం ఇంట్లో నెగటివ్ ఎనర్జీ ఎక్కువగా చేరే అవకాశం ఉన్న ప్రదేశాలు ఇవే. కాబట్టి బాత్రూమ్లను ఎల్లప్పుడూ పొడిగా, చాలా శుభ్రంగా ఉంచుకోవాలి. బాత్రూమ్లో ఒక చిన్న గాజు గిన్నెలో రాక్ సాల్ట్ (సైందవ లవణం) ఉంచండి. ఉప్పుకు నెగటివ్ ఎనర్జీని పీల్చుకునే శక్తి ఉంది. ఈ ఉప్పును కొన్ని రోజులకు ఒకసారి మారుస్తూ ఉండటం వల్ల ఇంట్లోని దోషాలు తొలగిపోతాయి.
ధన ప్రవాహం పెరగాలంటే 'ఉత్తర' దిశే కీలకం
మీరు ఆర్థిక ఇబ్బందులతో సతమతమవుతున్నారా? వ్యాపారంలో సరైన నిర్ణయాలు తీసుకోలేకపోతున్నారా? అయితే మీ ఇల్లు లేదా ఆఫీస్లోని ఉత్తర దిశను ఒకసారి గమనించండి. వాస్తు శాస్త్రంలో ఉత్తర దిశను కుబేరుడి స్థానంగా, అంటే సంపదకు మూలంగా భావిస్తారు. ఉత్తర దిక్కున ఎలాంటి చెత్తాచెదారం, పాత వస్తువులు ఉంచకూడదు. ఎప్పుడూ పరిశుభ్రంగా ఉంచాలి. మీరు పని చేసే టేబుల్ దగ్గర ఒక చిన్న స్ఫటికాన్ని ఎరుపు లేదా పసుపు రంగు వస్త్రంలో చుట్టి ఉంచడం వల్ల ఏకాగ్రత పెరిగి, వ్యాపారంలో సరైన నిర్ణయాలు తీసుకునే స్పష్టత వస్తుంది.
చెడు కలలు వస్తున్నాయా?
రాత్రిళ్లు సరిగ్గా నిద్రపట్టకపోవడం, చెడు కలలు రావడం, తెలియని ఆందోళన వేధించడం వంటి సమస్యలు ఉన్నాయా? అయితే మీ బెడ్రూమ్లో కొన్ని మార్పులు అవసరం. ముందుగా మీ మంచం కింద ఎలాంటి ఇనుప వస్తువులు, పాత సామాన్లు నిల్వ ఉంచకండి. పడుకునే ముందు గదిలోకి తాజా గాలి వచ్చేలా చూసుకోండి. వీలైతే పడక పక్కన ఒక చిన్న స్ఫటికాన్ని లేదా ప్రశాంతతను ఇచ్చే వస్తువును ఉంచుకుంటే మానసిక ప్రశాంతత దొరికి, హాయిగా నిద్ర పడుతుంది.
Click it and Unblock the Notifications
Sign in with Google