సోనియా గాంధీని కలిసిన నటి నగ్మా

న్యూఢిల్లీ: కాంగ్రెస్‌ పార్టీ అధ్యక్షురాలు సోనియా గాంధీతో గురువారం నటి నగ్మా భేటీ అయ్యారు. నగ్మా కాంగ్రెస్‌లో చేరి నిర్దేశించిన లోక్‌ సభ స్థానం నుంచి పోటీ చేయనున్నదనే వార్తల నేపథ్యంలో వీరి భేటీ ప్రాథాన్యత సంతరించుకున్నది. సీటు వ్యవహారం గురించి పెదవి విప్పకపోయినా, ప్రచారంలో మాత్రం పాల్గొంటానని చెబుతున్నారు నగ్మా.

నగ్మా 2004 ఎన్నికల్లో హైదరాబాద్ లోక్ సభ స్ధానం నుంచి కాంగ్రెస్ టికెట్ ఆశించిన విషయం తెలిసిందే. ఇప్పుడు భోజ్ పురి సినిమాల్లో బిజీగా ఉన్న ఆమె మధ్యప్రదేశ్ నుంచి కానీ ముంబయ్ నుంచి కానీ కాంగ్రెస్ అభ్యర్ధిగా పోటీ చేయాలనుకుంటున్నట్టు తెలుస్తోంది.