ఉమ్మడి గర్తుకు యత్నాలు: చిరు

మచిలీపట్నం: వచ్చే ఎన్నికల్లో తమ పార్టీ అభ్యర్థులకు ఉమ్మడి గుర్తు కోసం ప్రయత్నిస్తున్నామని ప్రజారాజ్యం అధినేత చిరంజీవి చెప్పారు. కృష్ణా జిల్లాలో ఆయన రెండవ రోజు పర్యటన కొనసాగుతోంది. ఉమ్మడి గుర్తుకోసం ముమ్మరంగా ప్రయత్నిస్తున్నట్లు ఆయన బుధవారం మీడియా ప్రతినిధులకు తెలిపారు. దీనికోసం మిజోరం, గోవా, పాండిచ్చేరి, కేరళలో గుర్తింపు పొందిన పార్టీలను సంప్రదిస్తున్నట్లు చెప్పారు.

ఎన్నికల్లో అభ్యర్థుల ఎంపిక సందర్భంగా ఇతర పార్టీలకంటే ఎక్కువగానే సామాజికన్యాయం పాటిస్తానని ఆయన చెప్పారు. ఎవరెవరికి ఎలా సీట్లు ఇస్తామో మాత్రం ఇప్పుడే చెప్పలేమన్నారు. ఈ పర్యటనలో విజయవాడ లేదని రెండవ విడతలో పర్యటిస్తానని చిరంజీవి చెప్పారు. రాష్ట్రంలో హంగ్ అసెంబ్లీ రాదని ఆయన అభిప్రాయపడ్డారు.