జయప్రదకు ఆజం ఖాన్ కష్టాలు

న్యూఢిల్లీ: రాంపూర్ లోకసభ నియోజకవర్గం నుంచి సినీ నటి జయప్రదను తిరిగి పోటీకి దించాలని నాయకత్వం నిర్ణయించడంతో సమాజ్ వాదీ పార్టీ నే ములాయం సింగ్ కు, స్థానిక నాయకుడు ఆజం ఖాన్ కు మధ్య విభేదాలు పొడసూపాయి. జయప్రదకు తిరిగి టికెట్ ఇవ్వడాన్ని ఆజం ఖాన్ తీవ్రంగా వ్యతిరేకిస్తున్నారు.

ఖాన్ ను బుజ్జగించేందుకు ములాయం సింగ్ గురువారం చర్చలు జరిపారు.జయప్రద వరుసగా గెలుచుకుంటూ పోతే తన అస్తిత్వానికి ప్రమాదమనే ఉద్దేశంతో ఖాన్ వ్యతిరేకిస్తున్నట్లు సమాచారం. ఖాన్ తిరుగుబాటు పార్టీకి నష్టం కలిగించే అవకాశం ఉందని భావిస్తున్నారు.