ప్రజారాజ్యంలో కృష్ణంరాజు

హైదరాబాద్: ప్రజారాజ్యం పార్టీలో రెబల్ స్టార్ కృష్ణంరాజు నేటి సాయంత్రం చేరారు. ఆయన ప్రజారాజ్యం పార్టీలో చేరడంపై ఆ పార్టీ అధినేత చిరంజీవి ఆనందం వ్యక్తం చేశారు. గతంలో బిజెపి ఎంపీగా గెలిచిన కృష్ణంరాజు కేంద్రంలో సహాయ మంత్రిగా పనిచేశారు. బిజెపిలో కొనసాగలేకపోతున్న కృష్ణంరాజు తెలుగుదేశంలో చేరాలో పీఆర్పీలో చేరాలో తేల్చుకోలేక చివరికి నేడు చిరు గూటిలోనే చేరిపోయారు. కృష్ణంరాజు వంటి సీనియర్లు తమ పార్టీలోకి రావడం మంచి పరిణామమని చిరంజీవి అన్నారు.

మంచి ఆశయాలతో పార్టీ పెట్టిన చిరంజీవికి అండగా ఆ పార్టీలో చేరాలనుకున్నట్టు కృష్ణంరాజు అన్నారు. చిరంజీవి డాబు సంపాదించాలనుకుంటే సినిమాల్లో కొనసాగేవారని, కానీ ఆయన కొన్ని మంచి ఆశయాల కోసం రాజకీయాల్లోకి వచ్చారని కృష్ణంరాజు ప్రశంసించారు.