నా భార్య కోరిక మేరకే: చిరు

పాలకొల్లు: "నా భార్య సురేఖ, బంధువులు, పాలకొల్లువాసుల కోరిక మేరకే ఇక్కడి నుంచి పోటీ చేస్తున్నాను. పాలకొల్లు అసెంబ్లీ స్థానం నుంచి నామినేషన్లు దాఖలు చేయడాన్ని థ్రిల్‌గా ఫీలవుతున్నాను. శనివారం తిరుపతి నుంచీ నామినేషన్లు దాఖలు చేస్తాను" అని ప్రజారాజ్యం పార్టీ అధినేత చిరంజీవి స్పష్టం చేశారు.

పశ్చిమ గోదావరి జిల్లా పాలకొల్లు అసెంబ్లీ సీటు నుంచి శుక్రవారం ఆయన నామినేషన్లు దాఖలు చేశారు. అనంతరం ఆయన విలేఖరులతో మాట్లాడారు. ప్రజారాజ్యం పార్టీ అధికారంలోకి వస్తే రూ.వందకే వంటసరుకుల పథకంపైనే తొలి సంతకం చేస్తానని చిరంజీవి ప్రకటించారు. ఈ సందర్భంగా టీడీపీ అధ్యక్షుడు చంద్రబాబుపై విమర్శల వర్షం కురిపించారు.