తండ్రి కోసం అల్లు అర్జున్ ప్రచారం

అనకాపల్లి: తన తండ్రి అల్లు అరవింద్ పోటీ చేస్తున్న అనకాపల్లి పార్లమెంట్ నియోజక వర్గంలో ప్రచారానికి ప్రముఖ సినీ హీరో అల్లు అర్జున్ రంగంలోకి దిగుతున్నారు. ఈ నెల 8వ తేదీ నుంచి ఆయన ప్రచార కార్యక్రమాన్ని చేపట్టనున్నారు. దీంతో ఆయన తన జన్మదిన వేడుకలను కూడా అనకాపల్లిలో జరుపుకుంటారు. జన్మదిన వేడుకల అనంతరం ఆయన రోడ్ షోలు నిర్వహిస్తారు. తన తండ్రి అల్లు అరవింద్ కు ప్రత్యర్థుల నుంచి తీవ్రమైన పోటీ ఎదురవుతుండడంతో అల్లు అర్జున్ రంగంలోకి దిగుతున్నారు.

అనకాపల్లి నియోజకవర్గంలో రాజకీయపార్టీల పోరు రసవత్తరంగా మారింది. ప్రజారాజ్యం తరపున ఆ పార్టీ ప్రదాన కార్యదర్శి అల్లు అరవింద్‌ పోటీచేస్తుండగా కాంగ్రెస్‌ తరపున విశాఖ మాజీ మేయర్‌ సబ్బం హరి పోటీచేస్తున్నారు. టీడీపీ తరపున సూర్య పత్రిక యజమాని నూకారపు సూర్యప్రకాశరావు పోటీ చేస్తున్నారు. పోటీ తీవ్రంగా ఉండడం వల్ల ప్రజారాజ్యం పార్టీకి అసతృప్తుల బెడద తీవ్రంగా ఉంది.