జయప్రద హోటల్ గదుల తనిఖీ

లక్నో: సినీ నటి, ఉత్తరప్రదేశ్ లోని సమాజ్ వాదీ పార్టీ రాంపూర్ లోకసభ అభ్యర్థి జయప్రద బస చేసిన హోటల్ గదులను శనివారం సంబంధిత అధికారులు తనిఖీ చేశారు. ఎన్నికల ప్రవర్తనా నియమావళి ఉల్లంఘనకు గాను ఆమెపై కేసు కూడా నమోదైంది. రాంపూర్ లో జయప్రద తీవ్రమైన ఇబ్బందులు ఎదుర్కుంటున్నారు.

జయప్రద తరఫున ప్రచారం చేయడానికి ఎస్పీ అధ్యక్షుడు ములాయం సింగ్ తలపెట్టిన ప్రచార సభకు ఆ పార్టీ ప్రధాన కార్యదర్శి ఆజంఖాన్ గైర్హాజరవుతున్నారు. పైగా పార్టీ కార్యాలయంపై ఆజంఖాన్ అనుచరులు నల్లజెండా ఎగురవేశారు. జయప్రదకు వ్యతిరేకంగా ఆజంఖాన్ తీవ్రంగా ప్రచారం చేస్తున్నారు.