డిఎస్, రోజా సహా ప్రముఖుల ఓటమి

హైదరాబాద్: రాష్ట్ర శాసనభ ఎన్నికల్లో పలువురు ప్రముఖ నాయకులు ఓటమి పాలయ్యారు. స్పీకర్ సురేష్ రెడ్డి ఆర్మూర్ నియోజకవర్గంలో సమీప తెలుగుదేశం అభ్యర్థి అన్నపూర్ణమ్మపై ఓటమి పాలయ్యారు. తెలుగుదేశం సీనియర్ నాయకుడు యనమల రామకృష్ణుడు తూర్పు గోదావరి జిల్లా తునిలో ఓడిపోయారు. పలువురు మంత్రులు ఓటమి బాటలో పయనిస్తున్నారు. ఇప్పటి వరుక వెలువడిన ఫలితాల ప్రకారం మంత్రి షబ్బీర్ అలీ కామారెడ్డిలో పరాజయం పాలయ్యారు.

తెలుగుదేశం అభ్యర్థి రోజా చంద్రగిరి నియోజకవర్గంలో మంత్రి గల్లా అరుణకుమారిపై ఓడిపోయారు. నిజామాబాదులో ప్రదేశ్ కాంగ్రెస్ కమిటి అధ్యక్షుడు డి. శ్రీనివాస్ ఓడిపోయారు. వరంగల్ జిల్లా స్టేషన్ ఘనపూర్లో తెలుగుదేశం పార్టీ సీనియర్ నాయకుడు కడియం శ్రీహరి పరాజయం పాలయ్యారు.