చౌతాలతో బిజెపి తెగదెంపులు

చండీఘర్: హర్యానాలోని ఓంప్రకాష్ చౌతాలా నేతృత్వంలోని ఐఎన్ ఎల్డీతో తెగదెంపులు చేసుకోవాలని భారతీయ జనతా పార్టీ (బిజెపి) తెగదెంపులు చేసుకోవాలని నిర్ణయించుకుంది. ఈ పరిణామం పాలక కాంగ్రెసుకు ప్రయోజనకరంగా మారే అవకాశం ఉంది. గత ఎన్నికల్లో ఐఎన్ ఎల్డీతో సీట్ల సర్దుబాటును రాష్ట్ర బిజెపి నాయకత్వం తీవ్రంగా వ్యతిరేకించింది. సీట్ల సర్దుబాటులో తీవ్ర అసంతృప్తికి గురైన రాష్ట్ర బిజెపి నాయకత్వం ఐఎన్ ఎల్డీతో పొత్తును వ్యతిరేకించింది.

హర్యానా ఎన్నికల్లో తాము విడిగా పోటీ చేయడానికే నిర్ణయించుకున్నట్లు బిజెపి నాయకుడు విజయ్ గోయల్ చెప్పారు. తాము కలిసే ఉన్నామని, తమ వైపు నుంచి అటువంటిదేమీ లేదని ఐఎన్ ఎల్డీ నాయకుడు ఓం ప్రకాష్ చౌతాలా అన్నారు. ఈ విషయంపై తమకు బిజెపి నుంచి ఎటువంటి సూచనా రాలేదని, ఆ విషయంపై చర్చలు కూడా జరగలేదని ఆయన అన్నారు. తాము బిజెపితో కలిసి పోటీ చేయడానికే ఇష్టపడుతున్నట్లు ఐఎన్ఎల్డీ రాష్ట్ర శాఖ అధ్యక్షుడు అశోక్ అరోరా చెప్పారు.