స్పానిస్ సింగర్ తో కిమ్ పెళ్లి?

ముంబై: బాలీవుడ్ నటి కిమ్ శర్మ ప్రముఖ స్పానిష్ గాయకుడిని పెళ్లి చేసుకోబోతున్నట్లు వార్తలు వస్తున్నాయి. భారత క్రికెటర్ యువరాజ్ సింగ్ ప్రేమాయణం నడిపిన ఆ భామామణి దాన్ని మర్చిపోవడానికి చాలా కష్టాలే పడాల్సి వచ్చిందట. ప్రయాణాలను ఎంతగానో ఇష్టపడే కిమ్ శర్మ ఒకానొకసారి స్పానిష్ సింగర్ కార్లోస్ మారిన్ ను కలిసిందట. ఆమె అతనికి ఎంతో నచ్చిందని చెబుతున్నారు. దీంతో వారిద్దరి వివాహానికి ముహూర్తం కూడా ఖరారైనట్లు చెబుతున్నారు.

పెళ్లికి అన్ని ఏర్పాట్లు జరిగిపోయినట్లు చెబుతున్నారు. సన్నిహిత మిత్రులకు కొద్ది మందికి ఆహ్వానాలు కూడా వెళ్లినట్లు ఊహాగానాలు చెలరేగుతున్నాయి. విదేశాల్లో ఉండే మిత్రులకు కిమ్ ముందుగానే సమాచారం అందించిందని ఒక ప్రముఖ దినపత్రిక రాసింది. పెళ్లి తర్వాత కిమ్ స్పెయిన్ కు వెళ్లిపోవడానికి సిద్ధమైనట్లు చెబుతున్నారు. బాలీవుడ్ లో తగిన అవకాశాలు లేకపోవడంతో అదే ఉత్తమమని ఆమె భావిస్తోందట.