అహుజా బెయిల్ పిటిషన్ తోసివేత

ముంబై: తన నివాసంలో పనిమనిషిపై అత్యాచారానికి పాల్పడిన కేసులో బాలీవుడ్ నటుడు షైనీ అహుజా బెయిల్ పిటిషన్ రెండోసారి తిరస్కరణకు గురైంది. అహుజా బెయిల్ పిటిషన్ ను ముంబై సెషన్స్ కోర్టు శుక్రవారం తిరస్కరించింది. అహుజాపై కేసు తీవ్ర నేరానికి సంబందించిందని, అతను నేరానికి పాల్పడినట్లు ప్రాథమిక సాక్ష్యాధారాలు ఉన్నాయనే కారణాలు చెప్పి కోర్టు బెయిల్ పిటిషన్ ను తిరస్కరించిది.

అవే కారణాలతో జులై 8వ తేదీన అహుజా బెయిల్ పిటిషన్ ను మొదటిసారి కోర్టు తిరస్కరించిది. 35 ఏళ్ల బాలీవుడ్ నటుడు అహుజా సెప్టెంబర్ 5వ తేదీన రెండో సారి బెయిల్ పిటిషన్ పెట్టుకున్నాడు. అతనిపై పోలీసులు చార్జీషీట్ దాఖలు చేశారు. అతను ప్రస్తుతం ఆర్థర్ రోడ్ జైలులో ఉన్నాడు. అతనిపై సెప్టెంబర్ 23వ తేదీన అభియోగాలు మోపే అవకాశం ఉంది.