'సత్యం' రాజుకు యాంజియోపాస్టీ చికిత్స

హైదరాబాద్: సత్యం కంప్యూటర్స్ మాజీ చైర్మన్ రామలింగ రాజుకు నిజాం వైద్య విజ్ఞాన సంస్థ (నిమ్స్) వైద్యులు మంగళవారం యాంజియోప్లాస్టీ నిర్వహించారు. మూసుకుపోయిన ఆయన గుండె వాల్వులకు రెండు స్టంట్లు అమర్చారు. హైదరాబాదులోని చంచల్ గుడా జైలులో రిమాండ్ ఖైదీగా ఉన్న రామలింగ రాజుకు ఈ నెల 7వ తేదీన గుండెనొప్పి వచ్చింది. దీంతో ఆయనను నిమ్స్ కు తరలించారు.

ఆయనకు నిమ్స్ కార్జియాలజీ విభాగం అధిపతి శేషగిరి రావు ఆధ్వర్యంలో వైద్యులు పరీక్షులు నిర్వహించారు. హెపటైటిస్ వ్యాధికి కూడా వైద్యులు ఆయనకు చికిత్స చేస్తున్నారు. ప్రస్తుతం రామలింగ రాజు ఆరోగ్యం నిలకడగా ఉందని వైద్యులు చెప్పారు.