ఆసీస్ లో ఇండియన్స్ పై దాడి

మెల్బోర్న్: ఆస్ట్రేలియాలో ఇద్దరు విద్యార్థులపై, వారి అంకుల్ పై 70 మంది స్థానికులు దాడి చేశారు. ఒక ఆట సందర్భంగా గొడవ జరిగింది. 26 ఏళ్ల సుఖ్ దీప్ సింగ్, అతని సోదరుడు గుర్దీప్ సింగ్, అంకుల్ ముఖ్తెయిర్ సింగ్ లపై ఎప్పింగ్ లో శనివారం దాడి చేశారు. ఉదయం 11 ప్రాంతంలో తన సోదరుడు సుఖ్ దీప్ పూల్ లో కుటుంబ సభ్యులతో ఆడుతుండగా దాదాపు 70 మంది స్థానికులు దాడి చేశారని బాధితుడి బంధువు ఓంకార్ సింగ్ చెప్పారు.

తమపై వ్యాఖ్యలు చేస్తూ రెచ్చగొట్టినా వారు సంయమనం పాటించామని అతను చెప్పాడు. తమ దేశం నుంచి వెళ్లిపోవాలని ఆ తర్వాత వారు అరవడం మొదలు పెట్టారని, తమ బంధువులు కారు పార్కింగ్ కు వచ్చి బయలుదేరుతుండగా వారు దాడి చేశారని ఆయన చెప్పాడు. దాడి చేసిన 70 మందిలో ఆరుగురిని అరెస్టు చేసినట్లు పోలీసులు చెప్పారని ఆయన అన్నారు.