సినిమాలకే తొలి ప్రాధాన్యం: సంజయ్

హైదరాబాద్: ప్రస్తుతం తొలి ప్రాధాన్యాన్ని సినిమాలకే ఇవ్వనున్నట్లు బాలీవుడ్ నటుడు, సమాజ్ వాదీ పార్టీ ప్రధాన కార్యదర్శి సంజయ్ దత్ చెప్పారు. తాజా చిత్రం బ్లూ విడుదలకు సిద్ధమైన నేపథ్యంలో ఆయన సిఎన్ఎన్ - ఐబిఎన్ కు ఇంటర్వ్యూ ఇచ్చారు. తాను ఇంకా మంచి సినిమాలు చేయాల్సి ఉందని ఆయన చెప్పారు. తనకు ఎస్పీలో చాలా ముఖ్యమైన పదవి ఇచ్చారని, భవిష్యత్తులో ఏం చేయగలనో చూడాలని, ప్రస్తుతం సినిమాలకే ప్రాధాన్యం ఇస్తానని ఆయన చెప్పారు.

వంద కోట్ల బడ్జెట్ తో నిర్మించిన బ్లూ సినిమా కమర్షియల్ సక్సెస్ పై తనకు ఆందోళన లేదని ఆయన చెప్పారు. సినిమా ఎలా ఆడుతుందనే దానిపై లాభాలు ఉంటాయని, ఫలితం ఏదైనా ఈ సినిమాలో నటించడం గొప్ప అనుభవమని, బంధాన్ని పెనవేసుకునే వారితో కలిసి పని చేయడం ఆనందంగా ఉంటుందని ఆయన అన్నారు. అమర్ సింగ్ ఆరోగ్యం మెరుగు పడుతోందని, దేవుడు అమర్ సింగ్ పై దయ చూపాడని ఆయన అన్నారు.