బాబుకు దేవేందర్ తలనొప్పి

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి పోలిట్ బ్యూరో కూర్పు తలబొప్పి కట్టిస్తోంది. పలువురు జూనియర్ నాయకులు పోలిట్ బ్యూరోలో స్థానం ఆశిస్తుండడం ఆయనకు కష్టాలను తెచ్పిపెడుతోంది. ముఖ్యమంత్రి టి. దేవేందర్ గౌడ్ విషయంలో పార్టీ పార్టీ నాయకుల నుంచి ఎదురవుతున్న వ్యతిరేకత ఆయనకు పెద్ద సమస్యగా మారింది. రంగారెడ్డి జిల్లాకు చెందిన హరీశ్వర్ రెడ్డి దేవేందర్ గౌడ్ ను పోలిట్ బ్యూరోలోకి తీసుకోవాలనే నిర్ణయాన్ని వ్యతిరేకిస్తున్నారు. పోలిట్ బ్యూరో కూర్పుపై చంద్రబాబు ఆదివారం సీనియర్ నాయకులతో చర్చించారు. ఆదివారం జరిగిన చర్చలు ఒక కొలిక్కి రాకపోవడంతో తిరిగి ఆయన ఆదివారం సమావేశమయ్యారు.

పార్టీ నుంచి వెళ్లిపోయి తిరిగి వచ్చినవారికి, పార్టీపై విమర్శలు చేసినవారికి పోలిట్ బ్యూరో స్థానం కల్పించకూడదని హరీశ్వర్ రెడ్డి అంటున్నారు. ఈ మేరకు ఆయన చంద్రబాబుకు విజ్ఞప్తి కూడా చేశారు. జూనియర్లను కాదని సీనియర్లకు పోలిట్ బ్యూరో స్థానం కల్పిస్తే తీవ్ర సమస్యను ఎదుర్కోవాల్సి వస్తుందని చంద్రబాబు ఆందోళన చెందుతున్నట్లు సమాచారం. పోలిట్ బ్యూరో పార్టీ అత్యున్నత నిర్ణాయక సంస్థ పార్టీ నిర్ణయాల్లో తమ అభిప్రాయాలకు విలువ ఉండాలంటే ఇందులో స్థానం సంపాదించుకోవడమే మార్గమని చాలా మంది నాయకులు భావిస్తున్నారు.