గొడ్డు మాంసం తిన్పించిన ఎన్నారై భర్త నుంచి విడాకులు

ముంబై: సంప్రదాయ కుటుంబానికి చెందిన భార్య చేత గొడ్డు మాంసం, పంది మాంసం బలవంతంగా తిన్పించడానికి ప్రయత్నించడం క్రూరత్వం కిందికి వస్తుందని బొంబాయి హైకోర్టు తీర్పు ఇచ్చింది. ఘట్కోపార్ కు చెందిన ఒక యువతి కాలిఫోర్నియా నివాసి అయిన వ్యక్తిని నాసిక్ పవిత్ర క్షేత్రంలో హిందూ సంప్రదాయాల ప్రకారం పెళ్ళాడింది. ఆ ఎన్నారై యువకుడు దుర్వ్యసనపరుడని తెలుకున్నా ఆమె చాలా నెలలు ఓపిక పట్టింది. 2003 లో భారత్ కు తిరిగి వచ్చింది.

అతను ఆమెను ఆల్కహాల్ తాగమని బలవంతపెట్టేవాడు. ఆమె అర్ధనగ్న చిత్రాలను వెబ్ సైట్ లో పోస్ట్ చేశేవాడు. వాదనలు విన్న తర్వాత న్యాయమూర్తులు ఆమెకు కింది కోర్టు ఇచ్చిన విడాకులను ఖరారు చేశారు. " విదేశంలో స్ధిరపడిన యువకుడికి తమ కూతురుని ఇచ్చి పెళ్ళి చేయాలనుకునే వారికి ఈ కేసు కనువిప్పు కావాలి. యువకుడీ ప్రవర్తన గురించి వాకబు చేయకుండా పెళ్ళి చేస్తే ఇలాగే జరుగుతుంది" అని న్యాయమూర్తులు వ్యాఖ్యానించారు. ఈ కేసులో భార్య మనోవర్తి కోరలేదు. తన అభ్యంతరకరమైన ఫోటోలను వెబ్ సైట్ లో ఉంచినందుకు కాను అతనిపై క్రిమినల్ కేసులను ఉపసంహరించుకోడానికి ఆమె నిరాకరించింది.