కెసిఆర్ అరెస్టుకు ఎన్నారైల ఖండన

హైదరాబాద్: తెలంగాణ రాష్ట్ర సమితి అధ్యక్షుడు కె.చంద్రశేఖర రావు అరెస్టును అమెరికాలోని తెలంగాణ ఎన్నారైలు ముక్త కంఠంతో ఖండిస్తున్నట్లు అమెరికాలోని తెలంగాణ ఎన్నారైలు ఖండిస్తున్నట్లు కాలిఫోర్నియాలోని విజయ చవ్వా చెప్పారు. ఈ మేరకు ఆయన ఒక ప్రకటన విడుదల చేశారు. కెసిఆర్ అరెస్టు నేపథ్యంలో తెలంగాణ ఎన్నారైలు ఆదివారం నాడు బే ఏరియాలో సమావేశమై రాష్ట్ర ప్రభుత్వ వైఖరిని వ్యతిరేకించారు. శాంతియుతంగా ప్రజాస్వామ్య పద్ధతిలో దీక్ష సాగించే హక్కును రాష్ట్ర ప్రభుత్వం కాలరాయడం సరికాదని వారు అభిప్రాయపడ్డారు.

కెసిఆర్ అరెస్టును తెలంగాణ ఎన్నారై అసోసియేషన్ (తెనా) ఒక ప్రకటనలో ఖండించింది. కెసిఆర్ ను బేషరతుగా విడుదల చేయాలని తెనా ప్రతినిధి వెంకట్ మారోజు డిమాండ్ చేశారు. కెసిఆర్ ను అరెస్టు చేయడం ద్వారా ప్రభుత్వం ఫాసిస్తు వైఖరిని ప్రదర్శించిందని సంఘం విమర్శించింది. కెసిఆర్ నిరాహార దీక్షను భగ్నం చేసిన తీరు మారోజు ఖండించారు. తెలంగాణ అంతటా పోలీసు నిర్బంధం సాగించడాన్ని ఆయన వ్యతిరేకించారు. ఈ చారిత్రక సందర్భంలో తెలంగాణ కోసం గొంతెత్తాలని ఆయన తెలంగాణ మంత్రులను, ప్రజా ప్రతినిధులను కోరారు. ప్రభుత్వ ఫాసిస్టు వైఖరిని ఖండించాలని ఆయన తెలుగుదేశం, సిపిఐ, సిపిఎం, ప్రజారాజ్యం పార్టీలను కోరారు.