సెంట్రల్ షాపింగ్ మాల్ మూసివేత

హైదరాబాద్‌: రాజధాని నగరంలోని పంజాగుట్ట కేంద్రంలో ఉన్న సెంట్రల్‌ షాపింగ్‌మాల్‌ ను జీహెచ్‌ఎంసీ అధికారులు సీజ్‌ చేశారు. రూ 2.80కోట్ల బకాయిలు చెల్లించనందుకు సీజ్‌ చేస్తున్నట్లు అధికారులు తెలిపారు. పలుమార్లు నోటీసుల పంపినా సెంట్రల్‌ యాజమాన్యం సరిగ్గా స్పందించకపోవడంతో ఈ చర్య తీసుకున్నట్లు వెల్లడించారు. ఈ ఆవరణలోని దుకాణాలు, పీవీఆర్‌ సినిమాథియేటర్‌ను సైతం సీజ్‌ చేశారు. హోటల్‌ కత్రియా, బిగ్‌బజార్‌ భవనాల ఆస్తిపన్ను బకాయిలపై కూడా నోటీసులు ఇచ్చామన్నారు.

సెంట్రల్ షాపింగ్ మాల్ లో బిజెపి సీనియర్ నాయకుడు వెంకయ్య నాయుడికి, చంద్రబాబు నాయుడి బంధువులకు వాటాలు ఉన్నట్టు ఆరోపణలు ఉన్నాయి. ఈ షాపింగ్ మాల్ లో పార్కింగ్ సదుపాయాలు తగినంత లేకపోవడంతో ఆ ప్రాంతమంతా ట్రాఫిక్ జామ్ లకు గురవుతున్నట్టు విమర్శలు ఉన్నాయి.