తిరుమలలో భారీ అగ్ని ప్రమాదం

తిరుపతి: తిరుమలలో మంగళవారం తెల్లవారుజామున భారీ అగ్ని ప్రమాదం సంభవించింది. ఈ ప్రమాదంలో ప్రాణ నష్టమేదీ సంభవించలేదు. సిఆర్వో కార్యాలయానికి ఎదురుగా ఉన్న దుకాణాల సముదాయంలో ఒక్కసారిగా మంటలు ఎగిసిపడ్డాయి. ఈ ప్రమాదంలో 17 దుకాణాలు అగ్నికి ఆహుతి అయ్యాయి.

ప్రమాదంలో దాదాపు 15 లక్షల రూపాయల మేరకు ఆస్తినష్టం జరిగినట్లు ఒక అంచనా. విషయం తెలుసుకున్న అగ్నిమాపక సిబ్బంది సంఘటనా స్థలానికి చేరుకుని మంటలను ఆర్పేశారు. విద్యుత్ షార్ట్ సర్క్యూట్ వల్లనే ఈ ప్రమాదం సంభవించినట్లు భావిస్తున్నారు.