శివరామిరెడ్డిపై ఎమ్మెల్యే చంద్రావతి ఫిర్యాదు
తన పార్కింగ్ స్థలాన్ని శివరామిరెడ్డి వాడుకుంటున్నారని, అదేమంటే బెదిరిస్తున్నారని చంద్రావతి ఫిర్యాదు చేశారు. తాను రాయలసీమకు చెందినవాడినని, ఏమైనా అంటే దాడి చేస్తానని శివరామిరెడ్డి బెదిరిస్తున్నట్లు ఆమె ఆరోపిస్తున్నారు. తనతో పెట్టుకుంటే మంచిది కాదని బెదిరిస్తున్నట్లు ఆమె చెప్పారు. చంద్రావతి, శివరామిరెడ్డి క్వార్టర్లు పక్కపక్కనే ఉంటాయి. శివరామిరెడ్డి అనుచరులు పెద్ద యెత్తున క్వార్టర్ ముందు గుమికూడి డిస్టర్స్ చేస్తున్నట్లు కూడా తెలుస్తోంది.
వై శివరామిరెడ్డి గతంలో శాసనసభ్యుడిగా కూడా ఉన్నారు. చంద్రావతి ఫిర్యాదు విషయాన్ని శాసనసభ స్పీకర్ కిరణ్ కుమార్ రెడ్డి శాసనమండలి చైర్మన్ చక్రపాణి దృష్టికి తీసుకుని వెళ్లే అవకాశం ఉంది. వారిద్దరి మధ్య గల సమస్యను స్పీకర్, మండలి చైర్మన్ సామరస్యపూర్వకంగా పరిష్కరించే అవకాశం ఉంది.
Story first published: Friday, March 5, 2010, 10:06 [IST]