తొలి అనుభవం తలచుకుని మురిసిపోయిన నాగ్

హైదరాబాద్: హీరో నాగార్జున మొదటిసారిగా మారికో కంపెనీ ఉత్పత్తి ప్యారాషూట్‌ 'కూలింగ్‌ ఆయిల్‌'కు బ్రాండ్‌ అంబాసిడర్ ‌గా వ్యవహరించనున్నారు. గురువారం సాయంత్రం తాజ్‌ కృష్ణలో జరిగిన కార్యక్రమంలో నాగార్జున, భూమికతో కలసి ప్రొడక్ట్‌ను లాంచ్‌ చేశారు. అనంతరం వీరు నటించిన యాడ్‌ను ప్రదర్శించారు. ఈ సందర్భంగా నాగార్జున మాట్లాడుతూ..తొలి యాడ్‌ ఫిలింలో నటించడం ఎంతో థ్రిల్లింగ్ ‌గా ఉందన్నారు.

తాను నమ్మితేనే సలహాలు ఇస్తానని..ఈ ఆయిల్‌ స్వయంగా వాడి, దాని ప్రభావాన్ని గమనించానని, అందుకే బ్రాండ్‌ అంబాసిడర్‌గా ఉండేందుకు అంగీకరించానని చెప్పారు. సహజ వననమూలికలతో తయారైంది కావడంతో కూలింగ్‌ ఆయిల్‌ ఆరోగ్యానికి ఎంతో మంచిదని భూమిక అన్నారు. ఈ ఆయిల్‌ను ఆంధ్రప్రదేశ్‌ లో విడుదల చేశామని, త్వరలో దేశవ్యాప్తంగా ప్రవేశపెట్టనున్నట్లు మారికో బిజినెస్‌ హెడ్‌ సుధాకర్‌ మాస్కర్‌ తెలిపారు.