స్పీకర్ పై శైలజానాథ్ మండిపాటు

హైదరాబాద్: శాసనసభ స్పీకర్ కిరణ్ కుమార్ రెడ్డి తీరుపై ప్రభుత్వ విప్, కాంగ్రెసు శాసనసభ్యుడు శైలజానాథ్ తీవ్రంగా మండి పడ్డారు. తన పట్ల స్పీకర్ వ్యవహరించిన తీరుకు ఆయన అసంతృప్తి వ్యక్తం చేశారు. తాను మనస్తాపానికి గురైన తీరును వివరిస్తూ ఆయన శుక్రవారం స్పీకర్ కు ఓ లేఖ రాశారు. శాసనసభలో తానేమీ అన్ పార్లమెంటరీ పదజాలం వాడలేదని, తాను అన్ పార్లమెంటరీ పదజాలం వాడినట్లు స్పీకర్ అనడం సరి కాదని ఆయన అన్నారు.

తన వ్యాఖ్యలను తాను ఉపసంహరించుకోబోనని ఆయన అన్నారు. తన ప్రసంగంలో అన్ పార్లమెంటరీ పదజాలం ఉంటే చూపాలని ఆయన అడిగారు. తన మాటల్లో ఏం తప్పు ఉందో చెప్పాలని ఆయన అన్నారు. ఉపాధి హామీ పథకం అమలుపై ప్రతిపక్ష నాయకుడు నారా చంద్రబాబు నాయుడు చేసిన వ్యాఖ్యలను తాను సమర్థిస్తున్నానని ఆయన అన్నారు. గురువారం శైలజానాథ్ వాడిన పదజాలాన్ని స్పీకర్ కిరణ్ కుమార్ రెడ్డి రికార్డుల నుంచి తొలగించారు.