పాతబస్తీ అల్లర్ల వెనుక జగన్: గొల్లపల్లి

విజయవాడ: హైదరాబాద్ అల్లర్ల వెనక కడప ఎంపీ జగన్ ఉన్నట్లు కాంగ్రెస్ నాయకులే చెబుతున్నారని మాజీ మంత్రి గొల్లపల్లి సూర్యారావు అన్నారు. కృష్ణాజిల్లా తెలుగుదేశం విస్తృతస్థాయి సమావేశం విజయవాడలో శనివారం జరిగింది. ఈ సందర్భంగా ఆయన మాట్లాడుతూ, హైదరాబాద్‌లో అల్లర్లకు కాంగ్రెస్‌లో కుమ్ములాటలే కారణమని ఆ పార్టీ ఎంపీ మధుయాష్కీయే చెప్పారన్నారు.

ఆ పార్టీ నాయకుడు గోనె ప్రకాశరావు కూడా అల్లర్ల వెనుక జగన్ ఉన్నారని చెప్పారన్నారు. అల్లర్లకు టీడీపీ కార్పొరేటర్ నిర్వహించిన కార్యక్రమమే కారణమని సాక్షిలో రాయడం సిగ్గుచేటన్నారు. ఈనెల 9న టీడీపీ అధినేత చంద్రబాబు కృష్ణా బ్యారేజీపై భారీధర్నా నిర్వహించనున్నారన్నారు.