లగడపాటి రాజగోపాల్ ఏపాటి నాయకుడు? రేవంత్ రెడ్డి

హైదరాబాద్‌: టీఆర్‌ఎస్‌ అధ్యక్షుడు కె చంద్రశేఖరరావును తిట్టడమనే ముసుగులో తెలంగాణ ఆత్మగౌరవాన్ని కించపరిచే విధంగా విజయవాడ ఎంపీ లగడపాటి రాజగోపాల్‌ వ్యాఖ్యలు చేస్తున్నారని టీడీపీ ఎమ్మెల్యే రేవంత్‌రెడ్డి ఆరోపించారు. కన్సల్టెంట్‌లు రూపొందించిన నివేదికలు శ్రీకృష్ణ కమిటీకి ఇవ్వడమే గొప్ప అనుకుంటే అంతకుమించిన మూర్ఖత్వం ఉండదని ఆయన ఎద్దేవా చేశారు. ధనబలంతో ఎన్నికల్లో గెలిచేవారు ప్రజానాయకులు ఎలా అవుతారని ఆయన ప్రశ్నించారు.

తెలంగాణకు స్వయంపాలన అవసరం లేదంటున్న లగడపాటి చరిత్ర తెలుసుకుంటే మంచిదని ఆయన సూచించారు. ప్రత్యేక తెలంగాణ వస్తే హైదరాబాద్‌ ఐఎస్‌ఐ అడ్డా మారుతుందని రాజగోపాల్‌ ప్రకటన చేసిన కొద్ది రోజులకే అక్కడ అల్లర్లు చోటుచేసుకున్నాయని ఆయన అన్నారు.