స్వార్థపరులే పార్టీని వీడారు: చిరంజీవి

తిరుపతి: స్వార్థపరులే పార్టీని వదిలి వెళ్లారని ప్రజారాజ్యం పార్టీ అధ్యక్షుడు చిరంజీవి అన్నారు. స్వార్థ ప్రయోజనాలు, పదవులు ఆశించి వచ్చిన నాయకులు మాత్రమే ఆ తర్వాత పార్టీని వీడి వెళ్లారని ఆయన అన్నారు. ఆయన సోమవారం తన సొంత నియోజక వర్గం తిరుపతికి వచ్చారు. ఈ సందర్భంగా ఆయన మీడియా ప్రతినిధులతో మాట్లాడారు.

కొంత మంది నాయకులు పార్టీని వదిలి పెట్టినప్పటికీ కార్యకర్తలు తమ వెంటనే ఉన్నారని ఆయన చెప్పారు. పార్టీ నిర్వీర్యమైందనే వ్యాఖ్యల్లో నిజం లేదని ఆయన అన్నారు. తాము నిర్మాణాత్మకంగా వ్యవహరిస్తున్నామని, కొద్ది రోజుల్లో పార్టీ మళ్లీ పుంజుకుంటుందని ఆయన చెప్పారు. పదవులు, ఇతర ప్రయోజనాలు ఆశించి వచ్చినవారే తమ పార్టీకి రాజీనామా చేసి వెళ్లి పోయారని ఆయన అన్నారు.