ఆంధ్రా బ్యాంక్ చోరీ కేసులో ప్రగతి

వరంగల్: వరంగల్ జిల్లా గూడూరు ఆంధ్రా బ్యాంక్ చోరీ కేసులో పోలీసులు ప్రగతి సాధించారు. ఈ కేసులో బ్యాంక్ అటెండర్ తో నలుగురిని పోలీసులు గురువారం అదుపులోకి తీసుకున్నారు. బ్యాంక్ లో దొంగతనం ఘటనపై పోలీసులు వారిని విచారిస్తున్నారు.

వరంగల్ జిల్లా గూడూరు ఆంధ్రా బ్యాంకులో కోటీ 30 లక్షల విలువ చేసే బంగారు ఆభరణాలు చోరీకి గురయ్యాయి. ఈ సంఘటనలో నలుగురిని పోలీసులు అదుపులోకి తీసుకున్నారు. అయితే ఈ విషయాన్ని పోలీసులు ధ్రువీకరించడం లేదు. విచారణ కోసం మాత్రమే వారిని అదుపులోకి తీసుకున్నామని వారంటున్నారు.