అంబానీ సోదరుల మధ్య రాజీ ఒప్పందం!

ముంబై: ముఖేష్ అంబానీ, అనిల్ అంబానీ సోదరుల మధ్య నెలకొన్న వివాదం పరిష్కారం దిశగా సాగుతోంది. ఈ మేరకు ఇరువురు సోదరుల మధ్య ఒక ఒప్పందం కుదిరినట్లు తెలుస్తోంది. ఒకరు చేస్తున్న వ్యాపారాల్లోకి మరొకరు ప్రవేశించేందుకు ముకేష్‌, అనీల్‌ అంబానీ పరస్పరం అంగీకారానికి వచ్చినట్లు తెలుస్తోంది.

ఈ ఒప్పందం కార్యరూపం దాలిస్తే ముకేష్‌ ఆర్థికసేవలు, టెలీకాం, విద్యుత్‌ రంగాల్లో పెట్టుబడులు పెట్టి రిలయన్స్‌ ఇండస్ట్రీస్‌ను విస్తరించుకోవచ్చు. అలాగే అనిల్‌ అంబానీ పెట్రోల్‌ రంగంలోకి అడుగుపెట్టవచ్చు. సోదరుల మధ్య సయోధ్య కుదర్చడంలో ఎప్పటిలాగానే తల్లి కీలకపాత్ర వహించినట్టు తెలుస్తోంది.