వైయస్ కుటుంబం విశ్వసనీయతపై కుట్ర: అబ్బి వెంకటస్వామి

హైదరాబాద్: దివంగత నేత వైయస్ రాజశేఖర రెడ్డి కుటుంబం విశ్వసనీయతను దెబ్బ తీసేందుకు కొందరు కుట్ర చేస్తున్నారని కర్నూలు జిల్లా నందికొట్కూరు కాంగ్రెసు శాసనసభ్యుడు అబ్బి వెంకటస్వామి అన్నారు. పార్లమెంటు సభ్యుడు వైయస్ జగన్మోహన్ రెడ్డితో భేటీ అనంతరం ఆయన శనివారం మీడియాతో మాట్లాడారు. వైయస్ జగన్ ఓదార్పు యాత్రను పార్టీ అధిష్టానం వద్దనే ప్రసక్తి లేదని ఆయన అన్నారు.

రాజీవ్ గాంధీని ప్రధానిని చేయాలని గతంలో దివంగత నేత వైయస్ రాజశేఖర రెడ్డి ఎలా కలలు గన్నారో, 2014లో రాహుల్ గాంధీని ప్రధానిని చేయాలని జగన్ కలలు కంటున్నారని ఆయన అన్నారు. రాహుల్ గాంధీని ప్రధానిని చేయాలనే సంకల్పంతో జగన్ ఉన్నారని ఆయన అన్నారు.