కాంగ్రెసుకు మాజీ మంత్రి రాంభూపాల్ చౌదరి రాజీనామా

కర్నూలు: కాంగ్రెసు పార్టీ మాజీ మంత్రి రాంభూపాల్ చౌదరి శుక్రవారం రాజీనామా చేశారు. కర్నూలు జిల్లాలోని పార్లమెంటు సభ్యుడు కోట్ల సూర్యప్రకాశ్ రెడ్డి తీరు నచ్చకపోవడం వల్లనే తాను కాంగ్రెసు పార్టీకి రాజీనామా చేసినట్లు రాంభూపాల్ చౌదరి చెప్పారు. మాజీ ముఖ్యమంత్రి కోట్ల విజయభాస్కర రెడ్డి తనను పార్టీలోకి ఆహ్వానిస్తే ఆయన కుమారుడు కోట్ల సూర్యప్రకాష్ రెడ్డి అవమానిస్తున్నారని చౌదరి ఆరోపించారు.

గాడ్ ఫాదర్లు ఉంటేనే కాంగ్రెసులో గుర్తింపు ఉంటుందని ఆయన అన్నారు. తాను ఈ నెల 15వ తేదీన తెలుగుదేశం పార్టీలో చేరుతున్నట్లు ఆయన తెలిపారు. పదవులు ఆశించి తాను తెలుగుదేశం పార్టీలోకి వెళ్లడం లేదని, కాంగ్రెసు వ్యవహారాలు నచ్చకనే వెళ్తున్నానని ఆయన చెప్పారు.