చంద్రబాబు అరెస్టు: మీడియాపై పోలీసుల అత్యుత్సాహం

ఆదిలాబాద్: బాబ్లీ పరిశీలనకు వచ్చిన టీడీపీ అధినేత చంద్రబాబు, ఎమ్మెల్యే, ఎంపీ, ఎంఎల్‌ సీలను శుక్రవారం మహారాష్ట్ర పోలీసులు అరెస్ట్ చేసి దర్మాబాద్‌ లోని ఐటీఐ కళాశాలకు తరలించారు. సంబంధిత అంశాన్ని కవరేజీ చేసేందుకు అక్కడికి వెళ్ళిన ప్రింట్, ఎలక్ట్రానిక్ మీడియాకు మహారాష్ట్ర పోలీసులు అడుగడుగునా ఆటంకాలు కలిగిస్తూ అత్యుత్సాహాన్ని ప్రదర్శించారు.

విలేకరులను లోపలికి అనుమతించక బయటకు నెట్టివేశారు. ఒకానొక దశలో విలేకరులను తోసి వేస్తూ అడ్డుకున్నారు. ఉదయం నుంచి రాత్రి 7 గంటల వరకు మీడియా ఐటీఐ కళాశాల బయటనే వేచి ఉండాల్సిన దుస్థితి ఏర్పడింది. మహారాష్ట్ర పోలీసుల అత్యుత్సాహం కారణంగా ఇబ్బందులు తప్పలేదు. అలాగే టీడీపీ నాయకులను సైతం కళాశాల బయట ఉన్నప్పటికీ పోలీసులు చెదరగొట్టారు.