విశాఖపట్నం జిల్లాలో కూలిన వైయస్సార్ విగ్రహం

విశాఖపట్నం: విశాఖపట్నంలోని గాజువాకలో దివంగత నేత వైయస్ రాజశేఖర రెడ్డి విగ్రహం కూలింది. విగ్రహం పూర్తిగా నేలమట్టమైంది. అరవై అడుగుల వైయస్సార్ విగ్రహం నిర్మాణంలో ఉంది. గత వారం రోజులుగా కురుస్తున్న వర్షాలకు తడిసి అది కూలినట్లు భావిస్తున్నారు. వైయస్సార్ ప్రథమ వర్ధంతి సెప్టెంబర్ 2వ తేదీన ఈ విగ్రహ ఆవిష్కరణ జరగాల్సి ఉండింది.

వైయస్సార్ విగ్రహ నిర్మాణాన్ని గాజువాకలో కాంగ్రెసువాది, వైయస్సార్ అభిమాని కృష్ణమోహన్ చేపట్టారు. ఆయన తన సొంత ఖర్చులతో ఈ విగ్రహ నిర్మాణాన్ని చేపట్టారు. ఈ ఘటనతో కృష్ణమోహన్ తీవ్ర మనస్తాపానికి గురయ్యారు. ప్రమాణాలు సరిగా పాటించకపోవడం కూడా విగ్రహం కూలిపోవడానికి కారణం కావచ్చునని భావిస్తున్నారు.