ఓదార్పుపై వైయస్ జగన్ దే నిర్ణయం: ఆనం వివేకానంద రెడ్డి

హైదరాబాద్‌: ఓదార్పు యాత్ర కొనసాగించాలా లేదా అన్న విషయంపై కడప పార్లమెంటు సభ్యుడు వైయస్ జగనే నిర్ణయం తీసుకోవాలని కాంగ్రెస్‌ శాసనసభ్యుడు ఆనం వివేకానందరెడ్డి అన్నారు. ఏఐసీసీ నిర్ణయం ద్వారా రాజశేఖరరెడ్డికి అరుదైన గౌరవం దక్కిందని, వైయస్ ను ఓ పొలిటికల్‌ సెయింట్‌గా సోనియా గుర్తించారని ఆనం వ్యాఖ్యానించారు. ఓదార్పు యాత్ర వ్యక్తిగతమని జగన్‌ ఇదివరకే చెప్పారని, అయితే ఇంత అపూర్వ గౌరవం దక్కాక యాత్ర కొనసాగించాలా వద్దా అనే విషయమై జగన్‌ నిర్ణయం తీసుకోవాలని అన్నారు.

వైయస్ రాజశేఖర రెడ్డి అనుచరుల్లో వైయస్ వివేకానంద రెడ్డి ముఖ్యులు. తొలుత వైయస్ జగన్ ను గట్టిగా సమర్థించిన ఆనం వివేకానంద రెడ్డి తర్వాత కొంత మౌనంగా ఉండిపోయారు. జగన్ అధిష్టానం మాట వినాలనే వైఖరి దగ్గరగా వచ్చారు.