వెంకయ్యనాయుడి హెలికాప్టర్ పాట్నాలో అత్యవసర ల్యాండింగ్

పాట్నా: భారతీయ జనతా పార్టీ సీనియర్ నాయకుడు వెంకయ్యనాయుడు ప్రయాణిస్తున్నహెలికాప్టర్ వాతావరణం అనుకూలించక పోవటంతో అత్యవసరంగా పాట్నాలో లాండ్ అయ్యింది. వెంకయ్యనాయుడితో పాటు కీర్తి ఆజాద్ కూడా ఉన్నారు. పాట్నానుండి సమస్తిపూర్ వెళుతున్న వీరి హెలికాప్టర్ గాల్లోకి లేచిన తర్వాత వాతావరణం అనుకూలించలేదు. మేఘాలు పూర్తిగా కమ్ముకున్నాయి. దీంతో చేసేది లేక పైలట్ కష్టం మీద హెలికాప్టర్ ను తిరిగి పాట్నాకు తీసుకువచ్చి సేఫ్ గా లాండ్ చేశారు.

మేం సేఫ్ గానే పాట్నాలో ల్యాండ్ అయ్యామని వెంకయ్యనాయుడు ప్రకటించారు. అత్యవసర ల్యాండింగ్ కాదని మేఘాలు దట్టంగా కమ్ముకోవటం వల్లే ల్యాండ్ అయ్యామని తెలిపారు. భాజపా జాతీయ అధ్యక్షుడు కూడా ఆ హెలికాప్టర్ లో ప్రయాణించాల్సి ఉంది. కాని ఆయన వాతావరణం అనుకూలించక పోవటంతో రాలేదు.