తెలంగాణ కోసం ప్రత్యేక కార్యక్రమాలు: కిషన్ రెడ్డి

హైదరాబాద్: ప్రత్యేక తెలంగాణ కోసం త్వరలో భారతీయ జనతా పార్టీ ప్రత్యేక కార్యక్రమాలు చేపడుతుందని ఆ పార్టీ రాష్ట్ర అధ్యక్షుడు, అంబర్ పేట శాసనసభ్యుడు గంగారపు కిషన్ రెడ్డి మంగళవారం ప్రకటించారు. తెలంగాణ సాధన కోసం నవంబర్ 9న భారతీయ జనతా పార్టీ ఛలో ఢిల్లీ కార్యక్రమాన్ని చేపట్టినట్టు చెప్పారు. ఇందుకు అన్ని పార్టీలు మద్దతు తెలపాల్సిందిగా ఆయన కోరారు.

తెలంగాణ కోసం ప్రత్యేక కార్యాచరణను త్వరలో రూపొందిస్తామని ఆందుకు ఈ నెల 12, 13వ తారీకుల్లో బిజెపి కోర్ కమిటి సమావేశమవుతుందన్నారు. తెలంగాణలోని జిల్లా, మండలవ్యాప్తంగా తెలంగాణ కోసం సత్యాగ్రహాన్ని చేపడుతామన్నారు. కాంగ్రెస్ పార్టీ పార్లమెంటులో తెలంగాణ బిల్లును ప్రవేశ పెడితే భారతీయ జనతా పార్టీ మద్దతు ప్రకటిస్తుందని తెలియజేశారు.