కెసిఆర్ లాగా నేనూ మాట్లాడగలను, కానీ మర్యాద దాటను: సంతోష్ రెడ్డి

హైదరాబాద్: తనను దద్దమ్మగా అభివర్ణించిన తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుపై మాజీ మంత్రి, కాంగ్రెసు నాయకుడు తీవ్రంగా ధ్వజమెత్తారు. సంతోష్ రెడ్డి దద్దమ్మ అని, జీవితంలో విలువలు లేవని, దుస్తులు మార్చినట్లుగా పార్టీలు మారుస్తాడని కెసిఆర్ విమర్శించారు. కెసిఆర్ కూడా తెలుగుదేశం పార్టీని మోసం చేసి తన సొంత పార్టీ పెట్టుకున్నారని ఆయన అన్నారు.

కెసిఆర్ 2003లో కాంగ్రెసుతో, 2009లో తెలుగదేశం పార్టీతో కెసిఆర్ పొత్తు పెట్టుకున్నారని, కెసిఆర్ కు విలువలు లేవని ఆయన అన్నారు. కెసిఆర్ ను కూడా తాను దద్దమ్మ అనగలనని, అయితే కెసిఆర్ లాగా తాను మర్యాదలేనివాడ్ని కానని ఆయన అన్నారు. సంతోష్ రెడ్డి 2003లో కాంగ్రెసు నుంచి తెరాసలో చేరారు. తిరిగి 2004లో కాంగ్రెసులో చేరారు.