సీమాంధ్రుల ఉచిత సలహాలు మాకొద్దు: హరీష్ రావు

హైదరాబాద్: సీమాంధ్రులు మాకు ఉచిత సలహాలు ఇవ్వవలసిన అవసరం లేదని తెరాస నాయకుడు, సిద్దిపేట శాసనసభ్యుడు టి. హరీష్ రావు ధ్వజమెత్తారు. పర్యాటక శాఖమంత్రి జె.గీతారెడ్డిని మేం వ్యక్తిగతంగా దూషించలేదన్నారు. ఆమె తల్లి ఈశ్వరీభాయి తెలంగాణ ఉద్యమంలో పాల్గొని జైలు కెళ్లారని, ఆమె బాటలో నడవాలని ఆమెను కోరినట్టు చెప్పారు. అంతేగానీ ఆమెను దూషించలేదన్నారు. గీతారెడ్డిని మేం వ్యక్తిగతంగా గౌరవిస్తామని చెప్పారు. సీమాంధ్రులు అనవసరంగా వారి రాజకీయ స్వార్థం కోసం ఈ విషయాన్ని రాజకీయం చేస్తున్నారని అన్నారు.

తెలంగాణ రాష్ట్ర సమితి అధ్యక్షుడు కె చంద్రశేఖరరావు విద్రోహ దినమని చెప్పి ఆ నిరసన ఉత్సవాలలో పాల్గొనలేదని పలువురు విమర్శిస్తున్నారని, అయితే వారివి పసలేని విమర్శలన్నారు. కెసిఆర్ ఆనారోగ్యం కారణంగా నిరసన ఉత్సవాలలో పాల్గొనలేదని తెలియజేశారు.