నన్నే వెన్నుపోటు పొడుస్తారా: జైరాం రమేష్ పై రోశయ్య

హైదరాబాద్: కేంద్ర పర్యావరణ శాఖ మంత్రి జైరాం రమేష్ పై రాష్ట్ర ముఖ్యమంత్రి కె. రోశయ్య తీవ్రంగా ధ్వజమెత్తారు. గోదావరి నదిపై తాము తలపెట్టిన పోలవరం ప్రాజెక్టుకు కొర్రీ పెడుతూ జైరాం రమేష్ రాసిన లేఖపై ఆయన మండిపడ్డారు. పోలవరం ప్రాజెక్టు నిర్మాణాన్ని ఆపడానికి జైరాం రమేష్ అన్ని విధాలుగా ప్రయత్నిస్తున్నారని ఆయన దండెత్తారు. ఈ మేరకు ఆయన కేంద్ర ప్రభుత్వానికి ఓ లేఖ రాశారు.

కాంగ్రెసేతర ప్రభుత్వం ఉన్న ఒడిషా రాష్ట్రానికి సహాయపడుతూ ఆంధ్రప్రదేశ్ కు నష్టం కలిగేలా జైరాం రమేష్ ఎలా వ్యవహరిస్తారని ఆయన ప్రశ్నించారు. జైరాం రమేష్ ఆంధ్రప్రదేశ్ నుంచి రాజ్యసభకు ఎన్నికయ్యారని ఆయన గుర్తు చేస్తూ తమకే నష్టం కలిగేలా వ్యవహరిస్తారా అని అడిగారు. జైరాం రమేష్ రాజ్యసభకు ఎన్నిక కావడానికి తాను సాయం చేశానని ఆయన అన్నా