విద్యార్థులతో కలిసి దీపావళి డాన్సు చేసిన ఒబామా దంపతులు

ముంబయి: ముంబయి కొలబాలోని హోలీనేమ్ పాఠశాల విద్యార్థులతో కలిసి అమెరికా అధ్యక్షుడు బరాక్ ఒబామా, భార్య మెచెల్లీ ఘనంగా దీపావళి వేడుకలను జరుపుకున్నారు. విద్యార్థులు దివాళీ నృత్యాలను, మహారాష్ట్ర సంప్రదాయ నృత్యాలను ప్రదర్శించి ఒబామా దంపతులను ఆకట్టుకున్నారు. విద్యార్థులు చేసిన నృత్యాలకు మంత్రముగ్ధుడైన ఒబామా మొదట వారిని చప్పట్లతో ఉత్సాపరిచారు.

మిచెల్లీ వారితో జత కలిసి నాట్యం చేసింది. ఆ తర్వాత కాసేపటికి ఒబామా సైతం వారితో జతకలిసి నాట్యం చేశాడు. పాఠశాల యాజమాన్యం ఎంపిక చేసిన 16 మంది విద్యార్థులు ఒబామాతో మాట్లాడుతారు. జుజేర్ అనే పదో తరగతి విద్యార్థి భూగ్రహాన్ని రక్షించుకునే అంశంపై ఒబామాతో మాట్లాడుతాడు. విద్యార్థులకు ఒబామా దంపతులు ఆటోగ్రాఫ్ లు ఇచ్చారు.